وقيعا • 08 ءساۋىر، 2021

نازار اۋدارىڭىز: كونكۋرس!

245 رەت كورسەتىلدى

ەل گازەتى «Egemen Qazaqstan» ءوزىنىڭ جىلداعى ءداستۇرى بويىنشا جاس جۋرناليستەرگە ارنالعان ء«ۇمىت» كونكۋرسىن جاريالايدى. باس باسىلىم بايگەسىنىڭ بيىلعى سىيلىعى «تاۋەلسىزدىك – تۇعىرىم» دەگەن تاقىرىپقا ارنالىپ وتىر. ازاتتىقتىڭ ارايلاپ اتقان اق تاڭىمەن بىرگە ومىرگە دە، ونەرگە دە تالپىنىس جاساعان جاستاردان جاڭا ءسوز كۇتەمىز.

قاتىسۋشىلارعا ساتتىلىك تىلەيمىز.

رەداكتسيادان

 

«Egemen Qazaqstan» گازەتىنىڭ جاس جۋرناليستەرگە ارنالعان ء«ۇمىت» كونكۋرسىنا قاتىسۋ

ەرەجەسى

 

1. جالپى ەرەجەلەر

1.1. بايقاۋدى ۇيىمداستىرۋشى – «ەگەمەن قازاقستان» رگ» اق. ورنالاسقان مەكەن­جايى: نۇر-سۇلتان قالاسى، 010000، «ەگەمەن قازاقستان» گازەتى كوشەسى 5/13.

1.2. كونكۋرستىڭ ماقساتى – جاس جۋرنا­ليستەردى كاسىبي تۇرعىدان ىنتالاندىرۋ، ولاردىڭ كاسىبي بىلىكتىلىكتەرىن كوتەرۋ.

1.3. ء«ۇمىت» كونكۋرسى جىلىنا 1 رەت، جۋرناليستەردىڭ كاسىبي مەرەكەسىنە وراي – 7-10 ءساۋىر ارالىعىندا جاريالانادى.

1.4. كونكۋرسقا 18 بەن 35 جاس ارالى­عىن­داعى جۋرناليستەر قاتىسا الادى.

1.5. ۇمىتكەرلەردىڭ ماتەريالدارى كونكۋرس جاريالانعان كۇننەن باستاپ، 1 اي مەر­زىم ىشىندە قابىلدانادى.

1.6. كونكۋرستىڭ تاقىرىبى جىل سايىن وزگەرىپ تۇرادى جانە ونى «ەگەمەن قازاقستان» رگ» اق رەداكتسيا القاسى بەكىتەدى.

1.7. كونكۋرسقا كەلىپ تۇسكەن ماتەريالداردى «Egemen Qazaqstan» گازەتىنىڭ رەداكتسيا القاسىنان قۇرالعان كوميسسيا (بۇدان ءارى – كونكۋرستىق كوميسسيا) باعالايدى.

 

2. كونكۋرسقا قاتىسۋ شارتى

2.1. كونكۋرسقا «Egemen Qazaqstan» گازە­تىندە جانە Egemen.kz سايتىندا جا­ريا­لانعان حابارلاندىرۋدا ۇسىنىلعان تا­قىرىپقا سايكەس كەلەتىن تاقىرىپ اياسىندا جازىلعان جانە ء«ۇمىت» كونكۋرسىنا» دەگەن ايدار قويىلعان ماتەريالدار قابىلدانادى.

ء«ۇمىت» سىيلىعى بيىل «تاۋەلسىزدىك – تۇ­عىرىم» دەگەن تاقىرىپ اياسىندا سوڭعى وتىز جىلدىڭ ەڭ ەلەۋلى كەزەڭدەرىن قوزعاۋى ءتيىس.

2.2. كونكۋرسقا ارنالعان ماتەريالدار Times New Roman 14 شريفتىمەن 1،5 ين­تەرۆالىندا جازىلىپ، كولەمى 3،5 بەتتەن اسپاۋعا ءتيىس. ساپالى سۋرەتتەرىمەن جىبەرىلسە، قۇبا-قۇپ.

2.3. كونكۋرسقا جىبەرىلگەن ماتەريالدار مەن سۋرەتتەر بۇرىن باسقا باسىلىمداردا جاريالانباعان بولۋى كەرەك. بۇل ورايداعى جاۋاپكەرشىلىك اۆتورعا جۇكتەلەدى.

2.4. كونكۋرسقا ارنالعان ماتەريالدار info@egemen.kz ەلەكتروندى بايلانىس جەلىسىنە ء«ۇمىت» كونكۋرسىنا» دەگەن ايدارمەن جىبەرىلۋى قاجەت.

 

3. كونكۋرس قورىتىندىسى

3.1. كونكۋرستىق كوميسسيا كونكۋرس قو­رىتىن­دىسىن ماتەريال قابىلداۋ اياقتال­عان كۇننەن باستاپ، 1 ء(بىر) اپتا ىشىندە شىعارۋعا مىندەتتى.

3.2. كونكۋرستىق كوميسسيانىڭ شەشىمىنە سايكەس، 1، 2، 3-ورىندار جۇلدەلى ورىن رە­تىندە بەلگىلەنەدى. ولاردىڭ ارقايسىسىنا: 1-ورىنعا – 300 000 تەڭگە، 2-ورىنعا – 200 000 تەڭگە، 3-ورىنعا – 150 000 تەڭگە اقشالاي سىيلىق جانە ارنايى كادەسىيلار تاپسىرىلادى;

قوسىمشا ىنتالاندىرۋ سىيلىعى كون­­كۋرستىق كوميسسيانىڭ ۇسىنىسىمەن تا­عايىن­دالۋى مۇمكىن.

3.3. كونكۋرس جەڭىمپازدارى جۋرناليس­تەردىڭ كاسىبي مەرەكەسى قارساڭىندا ماراپاتتالادى.

ماراپاتتاۋ ءراسىمى وتەتىن ورىن قوسىمشا جاريالانادى.

 

سوڭعى جاڭالىقتار

ۇقساس جاڭالىقتار