مامانداردان بولەك, اۋرۋحانالار مەن زاماناۋي مەديتسينالىق جابدىقتاردىڭ جەتىسپەۋشىلىگى تاعى بار. ال ىندەت جۇقتىرعاندار سانى كۇننەن-كۇنگە ارتىپ كەلەدى. ەلدەگى دەنساۋلىق ساقتاۋ سالاسىنىڭ وكىلدەرى مەن حالىقارالىق ماماندار دابىل قاعىپ وتىر.
رەسمي ستاتيستيكاعا سايكەس, 4 ساۋىردەگى جاعداي بويىنشا پاپۋا-جاڭا گۆينەيادا 7 مىڭ جاعداي تىركەلگەن. بىراق جەرگىلىكتى ساراپشىلار ۆيرۋس جۇقتىرعان ادامداردىڭ ناقتى سانى 100 مىڭعا جاقىنداپ كەلەدى دەيدى. ال الداعى اپتالاردا جالپى 1 ميلليون ادام ىندەت جۇقتىرۋى مۇمكىن ەكەن. جالپى, ەلدە ىندەت جۇقتىرعانداردى انىقتاۋ ماسەلەسى اقساپ تۇرعانى بەلگىلى. قاۋىپسىزدىك شارالارى رەتىندە ءبىر ايلىق لوكداۋن ەنگىزىلدى. ەلدە ۆيرۋسپەن كۇرەستىڭ ءتيىمسىز بولعانىن بيلىك باسىنداعىلار دا مويىنداپ وتىر. اسىرەسە ىندەتتى ۋاقتىلى انىقتايتىن تەستتەردىڭ ازدىعى بايقالادى. جالعان اقپارات تاراتۋ ماسەلەسى دە ۋشىعىپ تۇر. حالىق اراسىندا ۆيرۋستىڭ بارىنا سەنبەيتىندەر ءالى كۇنگە دەيىن بار كورىنەدى. ستاتيستيكالىق مالىمەتتەردى جيناۋ دا قيىنعا سوققان. كوروناۆيرۋس جۇقتىرعانداردىڭ ناقتى سانىن, جاسىن جانە ايماقتاردا قالاي تارالعانىن زەرتتەۋ, اۋىلدى جەرلەردە نە بولىپ جاتقانىن ءبىلۋ ءتىپتى مۇمكىن ەمەس دەيدى ساراپشىلار. بۇل جاعداي دۇنيەجۇزىلىك دەنساۋلىق ساقتاۋ ۇيىمىن الاڭداتىپ وتىر.
