قوعام • 07 ءساۋىر، 2021

ەلوردادا سۋ تاسقىنىنىڭ الدىن الۋ ءۇشىن قانداي جۇمىستار اتقارىلىپ جاتىر؟

21 رەت كورسەتىلدى

نۇر-سۇلتان قالاسىنىڭ توتەنشە جاعدايلار دەپارتامەنتى ەلوردا اۋماعىندا سۋ تاسقىنى قاۋپىنىڭ الدىن الۋ جانە وعان جول بەرمەۋ ماقساتىندا جۇمىلدىرىلعان قىزمەتتەرمەن جانە ۇيىمدارمەن بىرلەسىپ سۋ تاسقىنىنىڭ وتۋىنە دايىندىق جۇرگىزىپ جاتىر. بۇل تۋرالى ونلاين بريفينگتە نۇر-سۇلتان قالاسى تجد باستىعىنىڭ ورىنباسارى ەسەن بايىروۆ ءمالىم ەتتى، دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.

ونىڭ ايتۋىنشا 2021 جىلعى سۋ تاسقىنى كەزەڭىندە نۇر-سۇلتان قالاسى بويىنشا 29 سۋ تاسقىنى قاۋپى بار ۋچاسكە انىقتالدى (2019 جانە 2020 جىلدارى – 37)، ياعني 2019 جانە 2020 جىلدارمەن سالىستىرعاندا 8 ۋچاسكەگە ازايدى.

«تابيعي جانە تەحنوگەندىك سيپاتتاعى تج-عا دەن قويۋ جاعدايىندا قالا اكىمدىگى جەرگىلىكتى اۋقىمداعى تج-نى جويۋعا ارنالعان ءىس-قيمىل جوسپارىن بەكىتتى. ازاماتتىق قورعاۋ ورگاندارىنىڭ قۇرامىندا جەكە قۇرامنان 700-گە جۋىق ادام جانە 200-گە تارتا تەحنيكا توبى تۇراقتى دايىندىققا كەلتىرىلدى»، دەيدى ەسەن بايىروۆ.

دەپارتامەنت قىزمەتكەرلەرى تۇرعىندارمەن ۇگىت-ناسيحات جانە الدىن الۋ جۇمىستارىن جۇرگىزۋدە، بۇگىنگى كۇنى 16 رەيدتىك ءىس-شارا وتكىزىلدى، جالپى 2000 ادامدى قامتۋمەن 1500-دەن استام ءۇيدى ارالاۋ جۇزەگە اسىرىلدى، 900-دەن استام ۇسىنىمدار بەرىلدى.

«نۇر-سۇلتان قالاسىنىڭ ءبىلىم باسقارماسىمەن بىرلەسىپ، قاردىڭ ەرۋى جانە مۇزدىڭ جارىلۋى كەزەڭىندە جاسوسپىرىمدەر مەن بالالار اراسىندا جازاتايىم وقيعالاردىڭ الدىن الۋ ماقساتىندا قالانىڭ ءبىلىم بەرۋ نىساندارىمەن 1500-دەن استام ادامدى قامتيتىن ينتەراكتيۆتى ساباق وتكىزىلدى»، دەدى ۆەدومستۆو وكىلى.

سوڭعى جاڭالىقتار

قازاقستاندا قانشا ادام ۆاكتسينا الدى

كوروناۆيرۋس • بۇگىن، 10:42

ۇقساس جاڭالىقتار