پرەزيدەنت • 07 ءساۋىر، 2021

مەملەكەت باسشىسى التاي كولگىنوۆتى قابىلدادى

30 رەت كورسەتىلدى

پرەزيدەنتكە ەلورداداعى ەپيدەميالىق جاعدايدى تۇراقتاندىرۋ جانە ۆاكتسينا سالۋ شارالارى جونىندە مالىمەت بەرىلدى، دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.

قاسىم-جومارت توقاەۆ ازاماتتار كوروناۆيرۋسقا قارسى ەكپەنى تەزىرەك العان جاعدايدا عانا قوعامدىق ورىنداردا ءبىر-بىرىنە قاۋىپ توندىرمەيتىنىن، بيزنەس جاندانا تۇسەتىنىن، قىزمەتكەرلەردىڭ جۇمىس ورىندارىنا الاڭداماي بارۋىنا جانە حالىقتىڭ قالىپتى ومىرگە قايتا ورالۋىنا تولىق مۇمكىندىك بولاتىنىن ايتتى.

پرەزيدەنت تۇرعىندارعا ۆاكتسينا سالۋدى ۋاقىتىلى جانە جاپپاي ۇيىمداستىرۋ، ەپيدەميولوگيالىق جاعدايدى باقىلاۋدا ۇستاپ، حالىقتىڭ دەنساۋلىعىن ساقتاۋ جونىندە قالا اكىمىنە تاپسىرما بەردى.

مەملەكەت باسشىسىنا قالاداعى حالىق سانىنىڭ ارتۋىنا بايلانىستى ءبىلىم بەرۋ وشاقتارىن سالۋ ارقىلى ءۇش اۋىسىمدىق مەكتەپتەردىڭ ماسەلەسىن شەشۋ، كەزەكتە تۇرعان ازاماتتاردى قولجەتىمدى باسپانامەن قامتاماسىز ەتۋ بويىنشا اقپارات بەرىلدى.

سونىمەن قاتار قاسىم-جومارت توقاەۆ التاي كولگىنوۆكە قالانى گازداندىرۋ ماسەلەسىن شەشۋدى، ينۆەستيتسيا تارتۋدى، جۇمىسپەن قامتۋ جول كارتاسىن ءتيىمدى جۇزەگە اسىرۋدى، شاعىن جانە ورتا بيزنەسكە قولداۋ كورسەتۋدى تاپسىردى.

سوڭعى جاڭالىقتار

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

چەمپيوندى تابا الماي جاتىر

سپورت • بۇگىن، 07:59

«ورداباسى» جەڭىسكە جەتتى

سپورت • بۇگىن، 07:58

ۇقساس جاڭالىقتار