قالاداعى كارانتيندىك شارالعارعا بايلانىستى پاندەميانىڭ تارالۋىنا جول بەرمەۋ ءۇشىن بىرقاتار شەكتەۋ ءىس-شاراسى قابىلدانعان. ونىڭ ىشىندە سالتاناتتى, وتباسىلىق جانە باسا دا توي-تومالاق وتكىزۋگە تىيىم ەنگىزىلگەن.
وسىعان وراي كارانتين رەجيمىن بۇزۋشىلاردى انىقتاۋ ماقساتىندا قۇرامىندا پوليتسيا قىزمەتكەرلەرى, اكىمدىك پەن سانيتارلىق-ەپيدەميالىق باقىلاۋ باسقارماسىنىڭ وكىلدەرى بار ءموبيلدى توپ جۇمىس ىستەپ جاتىر.
«قولدانىستاعى تىيىمعا قاراماستان تىلەنديەۆ داڭعىلىعىنداعى «دۋداراي» مەيرامحاناسىنىڭ بانكەت زالى كارانتين ءىس-شارالارىن ساقتاماعان قوناقتارعا تولى بولدى. ءموبيلدى توپ تەكسەرگەن ساتتە توي قىزىپ, مەيرامحانادا شەكتەۋ شارالارىن قاپەردەن شىعارعان 150 ادام كوڭىل كوتەرىپ جاتقان. مەيرامحانا يەسىنىڭ ۇستىنەن جيناقتالعان ماتەريال قر اكىمشىلىك قۇقىق بۇزۋشىلىق تۋرالى كودەكستىڭ 425-بابىمەن اكىمشىلىك ءىس قوزعاۋ ءۇشىن وكىلەتتى ورگاندارعا جىبەرىلدى», دەدى دەپارتامەنت وكىلى.
