سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ءبىرىنشى ورىنباسارى و.بەكتەنوۆ قازاقستان رەسپۋبليكاسىنىڭ اكىمشىلىك قۇقىق بۇزۋشىلىقتار تۋرالى كودەكسىنە ەنگىزىلگەن وزگەرىستەر تۋرالى ايتتى.
«كەشە سىبايلاس جەمقورلىققا قارسى قىزمەتتىڭ اكىمشىلىك قۇقىق بۇزۋشىلىقتاردى انىقتاۋ جانە جولىن كەسۋ بويىنشا قۇزىرەتىن بەكىتەتىن اكىمشىلىك قۇقىق بۇزۋشىلىقتار تۋرالى كودەكسىنە ەنگىزىلگەن وزگەرىستەر قولدانىسقا ەنگىزىلدى» دەدى و.بەكتەنوۆ.
ول سىبايلاس جەمقورلىققا قارسى قىزمەتكە 15-باپ بويىنشا اكىمشىلىك قۇقىق بۇزۋشىلىق تۋرالى حاتتامالار تولتىرۋ قۇقىعى بەرىلگەنىن اتاپ ءوتتى.
ولاردىڭ ىشىندە كودەكستىڭ التى سىبايلاس جەمقورلىق بابى (اقبتك-ءنىڭ 676-681-باپتارى), كاسىپكەرلىك قىزمەت سالاسىنداعى ەكى قۇرام (اقبتك-ءنىڭ 154, 173-باپتارى), مەملەكەتتىك بيلىك ينستيتۋتتارىنا قول سۇعاتىن جانە اكىمشىلىك نەمەسە قىلمىستىق ءىس جۇرگىزۋ كەزىندەگى بۇزۋشىلىقتارعا بايلانىستى جەتى قۇقىق بۇزۋشىلىق (اقبتك-ءنىڭ 658-662, 665, 667-باپتارى) بار.
و.بەكتەنوۆتىڭ سوزىنشە, اگەنتتىكتە قازىرگى تاڭدا سىبايلاس جەمقورلىققا قارسى قاجەتتى بارلىق قۇرالدار بار.
