سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ءبىرىنشى ورىنباسارى و.بەكتەنوۆ وكق وتكەن بريفينگتە جەمقورلارعا ىقپال ەتەتىن قىلمىستىق-قۇقىقتىق شارالار – سىبايلاس جەمقورلىققا قارسى شارالار ارسەنالىنداعى جالعىز قارۋ بولا المايتىنىن جانە بولماۋى ءتيىس ەكەنىن العا تارتادى.
«سىبايلاس جەمقورلىقتىڭ الدىن الۋ تۇرعىسىنان ماڭىزدى سانالاتىن, مەملەكەتتىك ورگان باسشىلارىنىڭ جانە وزگە دە لاۋازىمدى تۇلعالاردىڭ سىبايلاس جەمقورلىققا قارسى ءىس-قيمىل بويىنشا شارالار قابىلداماعانى ءۇشىن جاۋاپكەرشىلىگىن كوزدەيتىن كودەكستىڭ 680-بابى – اتالعان لاۋازىمدى تۇلعالارعا 100 اەك كولەمىندە, بۇل شامامەن 300 مىڭ تەڭگە ايىپپۇل سالۋعا اكەپ سوعادى», دەدى و.بەكتەنوۆ.
سىبايلاس جەمقورلىققا قارسى ءىس-قيمىل شارالارىن قابىلداماۋ – «سىبايلاس جەمقورلىققا قارسى ءىس-قيمىل تۋرالى» زاڭدا بەلگىلەنگەن بىرقاتار تالاپتاردى بىلدىرەدى. بۇل – سىبايلاس جەمقورلىققا قارسى شەكتەۋلەردى قابىلداۋ, مۇددەلەر قاقتىعىسىن بولدىرماۋ, قارجىلىق باقىلاۋ شارالارى, باسشىلاردىڭ تىكەلەي قاراماعىنداعى سىبايلاس جەمقورلىق ءۇشىن دەربەس جاۋاپكەرشىلىگى, كۆازيمەملەكەتتىك سەكتوردا كومپلاەنس-قىزمەتتەردى مىندەتتى تۇردە ەنگىزۋ.
«تيىسىنشە, سىبايلاس جەمقورلىققا قارسى قىزمەت قولدانىستاعى زاڭنامادا قاراستىرىلعان جەمقورلىققا قارسى ءىس-قيمىل بويىنشا ءتيىستى شارالار قابىلدامايتىن مەملەكەتتىك ورگانداردىڭ باسشىلارى مەن لاۋازىمدى تۇلعالارىنا اكىمشىلىك ىقپال ەتۋ شارالارىن قولدانۋعا ۋاكىلەتتى», دەدى ول.
