«قازترانسگازايماق» اق ءباسپاسوز قىزمەتى ءمالىم ەتكەندەي, دارىگەرلەر ناۋقاستىڭ جاعدايىن ورتاشا اۋىر دەپ باعالاپ وتىر. جەتىباي اۋىلىنىڭ 66 جاستاعى تۇرعىنىنىڭ گازدان ۋلانعانى تۋرالى حابارلاما, 6 ءساۋىر كۇنى ساعات 09:15-تە كەلىپ ءتۇستى.
وقيعا ورنىنا گاز سالاسى قىزمەتىنەن باسقا توتەنشە جاعدايلار ءبولىمىنىڭ, پوليتسيا قىزمەتكەرلەرى, قاراقيا اۋدانى اكىمدىگىنىڭ وكىلدەرى كەلدى. زارداپ شەككەن ازاماتشا اۋرۋحاناعا جاتقىزىلدى.
«وقيعا ورنىندا اۆاريالىق بريگادا زارداپ شەگۋشىنىڭ ۋاقىتشا سارايدا تۇرىپ, ءۇي-جايدى جىلىتۋ ءۇشىن گاز پليتاسىنىڭ پەشىن قوسقانىن انىقتادى. الدىن الا مالىمەتتەر بويىنشا, سارايدا جىلىتۋ جابدىقتارى مەن قازاندىق ورناتىلماعاندىقتان ادام ۋلانعان. بۇل ۋچاسكەدە تەحنيكالىق قىزمەت كورسەتۋ 2021 جىلدىڭ اقپان ايىندا جۇرگىزىلدى», دەپ حابارلادى كومپانيانىڭ ءباسپاسوز قىزمەتى.
