بانك ساراپشىلارىنىڭ بولجامىنشا, بيىل Urals مۇنايىنىڭ باعاسى باررەلىنە 55 دوللار توڭىرەگىندە بولادى. ەگەر باعا وسى دەڭگەيىنەن قۇلامايتىن بولسا, وندا بۇل ءوڭىر ەلدەرى ءۇشىن الدەقايدا جاعىمدى اسەر بەرمەك. ساراپشىلار قازاقستان مەن رەسەي ەكونوميكاسىن 4 جانە 3,3 پايىزعا ءوسىم كورسەتەدى دەپ بولجادى. ال ارمەنيا مەن قىرعىزستاندا ەكونوميكالىق بەلسەندىلىكتىڭ قالپىنا كەلۋى تەك 2022 جىلى جۇزەگە اسۋى مۇمكىن.
– 2020 جىلدىڭ ورتاسىنان بەرى ءبىز اكتيۆتەر ينفلياتسياسىنىڭ اسا كۇشتى جاھاندىق ءۇردىسىن بايقاپ وتىرمىز. اقپاننىڭ قورىتىندىسى بويىنشا نەگىزگى شيكىزات تاۋارلارىنىڭ باعاسى داعدارىسقا دەيىنگى كەزەڭ باعاسىنان اسىپ كەتتى. ازىق-ت ۇلىك باعاسى 2013 جىلدان بەرى قاتتى قىمباتتاپ تۇر. ال مەتالل 2011 جىلدان بەرى وسىنشاما قىمباتتاماعان ەدى. ينفلياتسيا ەنەرگيا تاسىمالداۋ سالاسىن دا قامتىپ وتىر. جىل باسىنان بەرى مۇناي 20 پايىزعا قىمباتتاپ, باعاسى داعدارىسقا دەيىنگى كەزەڭگە جەتتى. شيكىزات باعاسىنىڭ قاتتى ءوسىمى ۋاقىتشا فاكتور رەتىندە تۇسىندىرىلەدى. قىتاي ەكونوميكاسىنىڭ جىلدام قالپىنا كەلۋى, پاندەميا كەسىرىنەن كوپتەگەن ءوندىرىس تىزبەگىنىڭ ءۇزىلىپ قالۋى وسىعان الىپ كەلدى. ۋاقىت وتە كەلە بۇل فاكتورلاردىڭ اسەرى تومەندەپ, ءوسىم باياۋلايدى. جاعدايدىڭ ءدال وسىلاي دامۋى بانك بولجامىنىڭ بازالىق ستسەناريىنە ەنگىزىلگەن, – دەيدى بانكتىڭ باس ەكونوميسى ەۆگەني ۆينوكۋروۆ.
زەرتتەۋشىلەردىڭ ايتۋىنشا, مەتالل جانە ەنەرگيا رەسۋرستارىنىڭ قىمباتتاۋى ءوڭىر ءۇشىن پايدالى. ەكسپورت ءتۇسىمى ارتىپ, مەملەكەتتىك بيۋدجەت تابىسى كوبەيەدى, ەلدىڭ ەكونوميكالىق كوڭىل كۇيى كوتەرىلەدى. «ەگەر 2021 جىلدىڭ II-IV توقسانىندا Urals باعاسى باررەلىنە 70 دوللارعا جاقىنداسا (بۇل بانكتىڭ بازالىق ستسەناريىنەن 20 پايىزعا جوعارى), وندا رەسەي ەكونوميكاسى 3,7 پايىزعا دەيىن ءوسۋى مۇمكىن. مۇنداي جاعدايدا قازاقستاننىڭ ىشكى جالپى ءونىمى 4,5 پايىزعا جەتەدى» دەگەن وپتيميستىك بولجام جاسالعان.
ەۋرازيالىق دامۋ بانكى باسقارما توراعاسىنىڭ ورىنباسارى رۋسلان دالەنوۆتىڭ ايتۋىنشا, ەدب قاتىسۋشى ەلدەرىنىڭ ەكونوميكاسى پاندەميا جاعدايىنا بەيىمدەلگەن.
– 2021 جىلى بانك قاتىسۋشى-ەلدەرىنىڭ ەكونوميكاسىندا قارقىندى قالپىنا كەلۋ ءوسىمى بولادى دەپ كۇتىلىپ وتىر. ءىجو 3,3 پايىز دەڭگەيىنە جەتپەك. قاتىسۋشى ەلدەر ەكونوميكاسى ءتىپتى تاۋەكەل ستسەناريى جاعدايىندا دا وسە بەرەدى. بەلسەندى قولداۋ شارالارىن قارجىلاندىرۋ ءۇشىن بيۋدجەت تاپشىلىعىنىڭ ءوسۋى اياسىندا ەدب-عا مۇشە ەلدەردىڭ مەملەكەتتىك قارىزى 45,4 ملرد دوللارعا ءوستى. قارىز پارامەترلەرىن تۇراقتى دەپ باعالاۋعا بولادى. 2020 جىلدىڭ قورىتىندىسى بويىنشا رەسەي مەن قازاقستاننىڭ مەملەكەتتىك قارىزى ءىجو-ءنىڭ 18 جانە 30 پايىزىن قۇرايدى, – دەيدى ر.دالەنوۆ.
