مەديتسينا • 05 ءساۋىر، 2021

الماتىلىق دارىگەرلەر وكپەسىنىڭ 96%-ى زاقىمدانعان زەينەتكەردى قۇتقاردى

36 رەت كورسەتىلدى

22 ناۋرىزدا ورتالىق قالالىق كلينيكالىق اۋرۋحاناعا 67 جاستاعى ناۋقاس اۋىر حالدە جەتكىزىلگەن.

دارىگەرلەر تەكسەرۋ كەزىندە Covid-19-دى انىقتاپ، ەكى جاقتى پوليسەگمەنتالدى پنەۆمونيا دياگنوزىن قويعان ەدى. كومپيۋتەرلىك توموگرافيادان ءوتۋ كەزىندە ناۋقاس وكپەسىنىڭ 96%-ى زاقىمدانعانى انىقتالعان.

ناۋقاس ايەل جۇرە الماعان، اۋا جەتپەي، تىنىسى تارىلعان.

ناۋقاس بىردەن جانساقتاۋ بولىمىنە جەتكىزىلەدى.

ورتالىق قالالىق كلينيكالىق اۋرۋحانانىڭ رەانيمولوگتارى 8 كۇن ىشىندە اۋىر ناۋقاستىڭ جاعدايىن تۇراقتاندىرىپ، جانساقتاۋ بولىمىنەن پالاتاعا شىعارادى. وسى كۇندەرى ناۋقاس بوبروۆ جۇيەسى بويىنشا ىلعالدانعان وتتەگىمەن تىنىس العان.

ماماندار وتتەگى بەرەتىن قۇرىلعىلاردى جانە باسقا مەديتسينالىق قۇرالداردى قولداندى.

دارىگەرلەردىڭ كاسىبي بىلىكتىلىگىنىڭ ارقاسىندا ايەلدىڭ جاعدايى جاقسارعان.

«ەمدەۋ ناۋقاستىڭ قوسالقى اۋرۋلارىنا قاتىستى كۇردەلەنە ءتۇستى. ناۋقاستا ارتەريالىق گيپەرتەنزيا، جۇرەك-تامىر جەتكىلىكسىزدىگى، يشەميالىق كارديوميوپاتيا بولدى. بۇگىندە جاعدايى جاقسارعان ناۋقاس اۋرۋحانادان شىعارىلادى. كت-نى قايتا جاساۋ كەزىندە ەمدەلۋشىنىڭ جاعدايىنىڭ جاقسى ەكەنى بايقالدى. ناۋقاس امبۋلاتوريالىق ەم الىپ، ۋچاسكەلىك دارىگەردىڭ باقىلاۋىندا بولادى، قاجەت بولعان جاعدايدا وڭالتۋدان وتەدى»،  دەيدى ەمدەۋشى دارىگەر يحتيار بايجانوۆ.

ءوز كەزەگىندە ايەل دارىگەرلەرگە العىسىن ءبىلدىردى.

«قازىر جاماندىقتىڭ ءبارى ارتتا قالدى. اۋرۋحانانىڭ بارلىق مەديتسينا قىزمەتكەرلەرىنە، دارىگەرلەرگە، كىشى مەديتسينا قىزمەتكەرلەرىنە ۇلكەن راحمەت. سىزدەر ماعان ەكىنشى ءومىر سىيلادىڭىزدار. مەن ساۋىعىپ شىقتىم، بۇگىن وتباسىممەن، بالالارىممەن كەزدەسەمىن. مەن قولداۋ جانە مەديتسينالىق كومەك كورسەتكەندەرى ءۇشىن بارلىعىنا العىس ايتامىن»، دەدى ساۋىعىپ شىققان ناۋقاس.

سوڭعى جاڭالىقتار

مەرەكە قارساڭىندا ماراپاتتالدى

ايماقتار • بۇگىن، 13:58

6 مامىرعا ارنالعان ۆاليۋتا باعامى

ەكونوميكا • بۇگىن، 11:16

«چەلسي» فينالعا شىقتى

سپورت • بۇگىن، 10:48

ۇقساس جاڭالىقتار