پەداگوگيكالىق ماماندىقتار بويىنشا ءبىلىم بەرۋ گرانتىن تاعايىنداۋ كونكۋرسىنا قاتىسۋ ءۇشىن ۇبت-نىڭ شەكتى بالى 75-كە دەيىن ۇلعايتىلدى.
ءبىلىم بەرۋ گرانتىن تاعايىنداۋ كونكۋرسىنا قاتىسۋ ءۇشىن نەمەسە اقىلى نەگىزدە وقۋعا ءتۇسۋ ءۇشىن: «پەداگوگيكالىق عىلىمدار» سالاسى بويىنشا كەمىندە 75 بالل;
دەنساۋلىق ساقتاۋ جانە الەۋمەتتىك قامتاماسىز ەتۋ (مەديتسينا)» سالاسى بويىنشا كەمىندە 65 بالل;
«اۋىل شارۋاشىلىعى جانە بيورەسۋرستار», «ۆەتەريناريا» ءبىلىم بەرۋ سالالارى بويىنشا كەمىندە 60 بالل;
ۇلتتىق جوعارى وقۋ ورىندارىنا ءتۇسۋ ءۇشىن – كەمىندە 65 بالل, ال باسقا جوعارى وقۋ ۇيىمدارىنا كەمىندە 50 بالل قاجەت.
ايتا كەتەيىك, پەداگوگ ماماندىعىن تاڭداعان «التىن بەلگى» يەگەرلەرىنىڭ سانى ەكى ەسەگە ارتقان. تاراتىلعان مالىمەتكە قاراعاندا, مەملەكەتتىك ءبىلىم گرانتىن تاعايىنداۋ كونكۋرسىنا قاتىسۋ ءۇشىن ۇبت 15 ساۋىردە باستالىپ, 30 ماۋسىمعا دەيىن جالعاسادى. تەستىلەۋ العاش رەت ەلەكتروندىق فورماتتا وتەدى.
بعم ۇلتتىق تەستىلەۋ ورتالىعىنىڭ ديرەكتورى ديدار سماعۇلوۆتىڭ ايتۋىنشا, جالپى تەست تاپسىرمالارىنىڭ سانى وزگەرمەدى, 5 ءپان قالدى.
«ەكى بەيىندى جانە ءۇش مىندەتتى ءپان قامتىلادى. تەست تاپسىرمالارانىڭ سانى – 120, ونىڭ ىشىندە قازاقستان تاريحى بويىنشا – 15, ماتەماتيكالىق ساۋاتتىلىق بويىنشا – 15, وقۋ ساۋاتتىلىعى– 20 جانە ەكى بەيىندىك پاننەن 35 تاپسىرمادان بەرىلەدى», دەدى ديرەكتور.
