قابدەش ءجۇمادىلوۆ 1936 جىلى 24 ساۋىردە شىڭجاڭ ولكەسىنىڭ تارباعاتاي ايماعى, مالدىباي اۋىلىندا دۇنيەگە كەلگەن.
1956 جىلى قىتاي ۇكىمەتىنىڭ جولداماسىمەن الماتىعا كەلىپ, قازاق مەملەكەتتىك ۋنيۆەرسيتەتىنىڭ فيلولوگيا فاكۋلتەتىنە وقۋعا ءتۇستى. الايدا ۋنيۆەرسيتەتتىڭ ەكىنشى كۋرسىنان كەيىن ەكى ەل اراسىنداعى ساياسي جاعدايعا بايلانىستى كەرى شاقىرىلىپ, 1958–1962 جىلدار ارالىعىندا قىتايدا قۋعىن-سۇرگىنگە ۇشىرادى. 1962 جىلى يمپەريا شەكاراسىن بۇزىپ وتكەن قازاق كوشىمەن بىرگە اتامەكەنگە قايتىپ ورالىپ, قازمۋ-دەگى اياقتالماي قالعان وقۋىن قايتا جالعاپ, 1965 جىلى ءبىتىرىپ شىقتى. «قازاق ادەبيەتى» گازەتىندە (1965–1967), «جازۋشى» باسپاسىندا (1967–1976), مەملەكەتتىك باسپالار كوميتەتىندە (1976–1981) جاۋاپتى قىزمەتتەر اتقارعان.
«سوڭعى كوش», «باقىت جولىندا», «اتامەكەن», «تاعدىر», «دارابوز» سىندى روماندار مەن بىرنەشە اڭگىمەلەر جيناعىنىڭ اۆتورى.
