«قۇتقارۋشىلار 7-ءشى قاباتتاعى 16 شارشى مەترلىك قويمادا تۇرمىستىق كەرەك-جاراق بۇيىمدارى مەن جيھاز ورتەنىپ جاتقانىن انىقتادى. كىرەبەرىستى الىپ كەتكەن قويۋ تۇتىننەن قورىققان تۇرعىندار دۇربەلەڭ تۋدىرا باستادى. ءورت تۇتانعاندا ەلدىڭ كوبى تاڭعى ۇيقىدا جاتقان بولاتىن. تۇرعىنداردى وياتىپ, سىرتقا شىعارۋعا تۋرا كەلدى. تجد كۇشىمەن كوپقاباتتى ءۇيدىڭ كىرەبەرىسىنەن 62 ادام ەۆاكۋاتسيالاندى, 5 ادام قۇتقارىلدى. ونىڭ ىشىندە 3 بالا جانە 2 مۇمكىندىگى شەكتەۋلى ادام بار. وسىلايشا, ءورت سوندىرۋشىلەردىڭ جەدەل ارەكەتىنىڭ ناتيجەسىندە قىزىل جالىن دەر كەزىندە ءسوندىرىلدى. قازا بولعاندار مەن زارداپ شەككەندەر جوق. ءورتتىڭ شىعۋ سەبەبى مەن كەلگەن شىعىن انىقتالىپ جاتىر», دەپ مالىمدەدى وبلىستىق تجد ءباسپاسوز قىزمەتى.
