جۇيەلىك نەگىزدە عىلىمي اقپارات, ساراپتامالىق, تاريحي ماتەريالدارمەن, سونداي-اق ادەبيەت, بيبليوگرافيالىق باسىلىمدارمەن الماسۋ جوسپارلانعان.
سونىمەن قاتار مەموراندۋمدا قازاقستان اۋماعىنداعى دىندەر تاريحى, الەمدىك يسلام ءدىنىنىڭ تاريحى جانە باسقا ءدىني ىلىمدەر تۋرالى ارنايى تاقىرىپتىق كورمەلەر وتكىزۋ, سونداي-اق, قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالعان تاقىرىپتىق كورمەلەرمەن تانىسۋ جۇمىستارىن جۇزەگە اسىرۋ قاراستىرىلعان.
مەموراندۋمعا قول قويۋ بارىسىندا ن. نازارباەۆ ورتالىعىنىڭ باسقارما توراعاسى بولات سارسەنباەۆ تاراپتار ەلباسى ن. نازارباەۆ باستاماشىسى بولعان الەمدىك جانە ءداستۇرلى دىندەر ليدەرلەرى سەزىنىڭ يدەيالارىن ءىس جۇزىندە ىلگەرىلەتۋ سالاسىندا ارىپتەستىكتى دامىتۋعا نيەتتى ەكەنىن اتاپ ءوتتى.
ءوز كەزەگىندە ۇلتتىق مۋزەيدىڭ ديرەكتورى ارىستانبەك مۇحامەدي ۇلى قازاقستاننىڭ تاۋەلسىزدىك تاريحىن دارىپتەۋ, جالپىادامزاتتىق جانە رۋحاني قۇندىلىقتاردى نىعايتۋ, الەمدىك جانە ءداستۇرلى دىندەر كوشباسشىلارى سەزىنىڭ يدەيالارىن, ماقساتتارى مەن مىندەتتەرىن وڭىرلىك جانە حالىقارالىق دەڭگەيدە ىلگەرىلەتۋ بويىنشا جوبالاردى ىسكە اسىرۋعا دايىن ەكەندىگىن ءبىلدىردى.
