ماراپاتتاۋ راسىمىندە پىكىر بىلدىرگەن ForteBank باسقارما توراعاسى گۋرام اندرونيكاشۆيلي: ء«بىز Global Finance باسىلىمىنا ءوز جۇمىسىمىزدى باعالاعانى ءۇشىن العىسىمىزدى بىلدىرەمىز. ماراپاتتى قاتارىنان ءتورت جىل بويى الۋىمىز ءتيىمدى قىزمەتىمىز بەن دۇرىس تاڭدالعان ستراتەگيامىزدى راستايدى. پاندەميامەن بايلانىستى كۇردەلى نارىقتىق جاعدايلارعا قاراماستان, ForteBank ءوز كليەنتتەرىنە قولداۋ كورسەتىپ, ساپالى يننوۆاتسيالىق قىزمەتتەردى ۇسىنۋدى جالعاستىرىپ جاتىر. بانك ەلدەگى ەڭ جوعارى ءوتىمدى جانە جاقسى كاپيتالداندىرىلعان قارجى ينستيتۋتتارىنىڭ ءبىرى. مەن Forte-ءنىڭ ءار قىزمەتكەرىنە ساپالى جۇمىسى جانە وسى قيىن-قىستاۋ كەزەڭدەردە بانكتىڭ دامۋىنا قوسقان ۇلەسى ءۇشىن العىس ايتقىم كەلەدى», دەپ اتاپ ءوتتى.
«بانكتەر بۇكىل الەم بويىنشا ەكونوميكانى قالپىنا كەلتىرۋدە شەشۋشى ءرول اتقارادى. «ۇزدىك بانك» ماراپاتىن بەرە وتىرىپ, ءبىز ءوسۋدى قالپىنا كەلتىرىپ, ودان ءارى دامۋ جولدارىن انىقتاي العان كوشباسشىلاردى ءبولىپ كورسەتەمىز. جاھاندىق پاندەميادان تۋىنداعان بۇرىن-سوڭدى بولماعان ەكونوميكالىق جاعدايلاردى ەسكەرە وتىرىپ, وسى جىلدىڭ ناتيجەلەرىن باعالاۋ – ماراپاتتىڭ 28 جىل ىشىندە بەرىلىپ كەلە جاتقانىنىڭ ماڭىزدىلىعى مەن قۇندىلىعىنا يە», دەپ ءتۇسىندىردى باسپاگەر جانە Global Finance رەداكتسياسىنىڭ ديرەكتورى Joseph D. Giarraputo (دجوزەف د.دجيارراپۋتو).
Global Finance 1987 جىلى قۇرىلعان, تارالىمى 50 مىڭ دانانى قۇرايدى. الەمنىڭ 189 ەلىندە وقىرماندارى بار. Global Finance اۋديتورياسىنا حالىقارالىق كومپانيالار مەن قارجى ينستيتۋتتارى جۇمىسىنداعى ينۆەستيتسيالارعا, ستراتەگيالىق شەشىمدەرگە جاۋاپ بەرەتىن قارجى جانە كورپوراتيۆتىك سالالارداعى باسشىلار كىرەدى. ۆەب-سايتىندا – GFMag.com – حالىقارالىق قارجى نارىعىنداعى 34 جىلدىق جۇمىس ناتيجەسى بولىپ تابىلاتىن تالداۋلار مەن جاريالانىمدار ۇسىنىلعان. Global Finance باس كەڭسەسى نيۋ-يوركتە ورنالاسقان, بۇكىل الەم بويىنشا باسقا دا بولىمشەلەرى بار. Global Finance جىل سايىن بانكتەر مەن قارجىلىق قىزمەتتەردىڭ باسقا وكىلدەرى اراسىندا قىزمەت كورسەتكىشتەرى بويىنشا كوشباسشىلاردى ىرىكتەيدى. بۇل ماراپاتتار الەمدىك قارجى قاۋىمداستىعى ءۇشىن سەنىمدى ساپا ستاندارتىنا اينالدى.
