باعبانداردى قولداۋدىڭ ارنايى شارالارى ىشىندە كوشەتتەردى, تامشىلاتىپ سۋارۋعا جانە قاجەتتى ينفراقۇرىلىمدى جۇرگىزۋگە جۇمسالاتىن شىعىنداردىڭ جارتىسىن وتەۋ سۋبسيديالارى, سونداي-اق تەحنيكا ساتىپ الۋعا جانە باۋ-باقشا وتىرعىزۋعا ارنالعان ينۆەستيتسيالىق سۋبسيديالار بار.
سونىمەن قاتار, سىياقى مولشەرلەمەسى سۋبسيديالاناتىن قارجىلاندىرۋ باعدارلامالارى بار. بۇدان بولەك, تالىمباقپەن اينالىساتىنداردىڭ ءوتىنىشى بويىنشا وتكەن جىلى اۋىل شارۋاشىلىعى مينيسترلىگى كوشەتتەر ءوندىرىسىن سۋبسيديالاۋ بويىنشا جاڭا باعدارلاما ازىرلەدى. وندا تالىمباق كوشەتتەرىنە ارنالعان تەحنيكا ساتىپ الۋعا ينۆەستيتسيالىق سۋبسيديا قاراستىرىلعان.
«قازاقستاندا سالانى دامىتۋ ءۇشىن بارلىق جاعداي جاسالعان. ايتا كەتۋ كەرەك, باتىس قازاقستان وبلىسى ونەركاسىپتىك باۋ-باقشا وسىرۋگە ءتيىمدى ءوڭىر ەمەس. سوندىقتان, ءبىز تۇركىستان, الماتى جانە جامبىل وبلىستارىنا باسىمدىق بەرەمىز. قۇرمەتتى دەپۋتاتتى «دالا فرۋت», «امال بيو», «Alma Mater Fields», «الەكساندروۆسكي ساد» سياقتى شارۋاشىلىقتاردى كوزىمەن كورۋگە شاقىرامىز. بۇلار – ءونىمدى ساقتاۋ ينفراقۇرىلىمى, باقشانى كۇتۋ مەن الما جيناۋدىڭ ءتيىمدى تەحنولوگياسى بار زاماناۋي ونەركاسىپتىك باقتار. بۇل بقو-داعا جوبانى قولداماي-اق قازاقستاننىڭ باۋ-باقشاسىن قالپىنا كەلتىرۋ جانە ودان ءارى دامىتۋ مۇمكىن ەمەس دەگەن ساۋال جولداعان اۆتوردىڭ پىكىرىن وزگەرتۋى مۇمكىن», دەدى مينيسترلىك وكىلى.
سونداي-اق, ول ەسكىرگەن نەمەسە قاتە دەرەكتەر تارالىپ كەتپەۋ ءۇشىن اۋىل شارۋاشىلىعى مينيسترلىگى كەز كەلگەن قاجەت اقپاراتتى بەرۋگە جانە اشىق ديالوگقا دايىن ەكەنىن ايتتى.
