ىستانبۇلداعى ۆاحدەتتين پاۆيلونىندا ۆيدەوبايلانىس ارقىلى تۇركى كەڭەسىنىڭ وتىرىسىندا سويلەگەن سوزىندە مۇشە ەلدەردىڭ ىنتىماقتاستىعى الەمدە بولىپ جاتقان وزگەرىستەر الدىندا بارعان سايىن زور ماڭىزعا يە بولىپ وتىرعانىن ايتتى. ەردوعان تۇركى ەلدەرىنىڭ ستراتەگيالىق ماڭىزى مەن وركەندەۋىن ەۋروپامەن بايلانىستى ۇزدىكسىز قامتامسىز ەتەتىن ترانسكاسپي حالىقارالىق كولىك ءدالىزى (ورتا ءدالىز) باستاماسى ودان سايىن ارتتىرا تۇسەتىنىنە سەنىمدى.
سونداي-اق سامميت قورىتىندىسى بويىنشا قابىلدانعان دەكلاراتسياعا سايكەس, كەڭەستىڭ قۇرمەتتى توراعاسى نۇرسۇلتان نازارباەۆتىڭ تۇركى كەڭەسىنىڭ اتاۋىن وزگەرتۋ تۋرالى باستاماسى قولداۋ تاۋىپ, سىرتقى ىستەر مينيسترلەرى مەن حاتشىلىققا 2021 جىلدىڭ كۇزىندە تۇركيادا وتەتىن تۇركى كەڭەسىنىڭ 8-ءشى سامميتىندە وسى شەشىمنىڭ نەگىزىن قالاۋ ءۇشىن ءتيىستى قۇجاتتار دايىنداۋ تاپسىرىلدى. ودان بولەك, تۇركىستان قالاسى «تۇركى الەمىنىڭ رۋحاني استاناسى» دەپ جاريالاندى. ەكونوميكالىق زور مۇمكىندىكتەردى اتاپ وتكەن مەملەكەت باسشىلارى كەڭەستىڭ ستراتەگيالىق ماڭىزى بار وڭىرلىك جوبالاردى, اتاپ ايتقاندا, كولىك, كەدەن, ەنەرگەتيكا جانە ينفراقۇرىلىم سالاسىنداعى باستامالاردى ءتيىمدى جۇزەگە اسىرۋدىڭ ماڭىزدىلىعىنا نازار اۋداردى.
