جەڭىسكە پارا-پار تەڭ ويىن

تاريحقا كوز جۇگىرتەر بولساق, ايگىلى شابۋىلشى اندرەي شەۆ­چەن­كو جاتتىقتىراتىن ۋكراي­نا قۇراماسىمەن ءبىزدىڭ جىگىت­تەر بۇگىنگە دەيىن ءتورت رەت كەز­دەسىپ, بارلىق ويىندا قار­سىلاستارىنا ەسە جىبەرگەن. ءبىر قىزىعى, قازاقستان مەن ۋك­راي­نا قۇرامالارىنىڭ جولى تەك الەم بىرىنشىلىگىنىڭ ىرىكتەۋ كە­زە­ڭىندەگى ويىنداردا عانا تۇيى­سەدى ەكەن. ماسەلەن, ەكى ەل فۋتبولشىلارى ءبىرىنشى رەت 2006 جىلعى, ەكىنشى رەت 2010 جىلعى الەم چەمپيوناتتارىنىڭ ىرىكتەۋ كەزەڭىندەگى توپتىق باسە­كەلەرىندە جولىققان.

مىنە, اراعا ون جىلدان اسا ۋاقىت سالىپ, تاعى دا الەم چەم­پيوناتىنىڭ ىرىكتەۋ كەزەڭىندە ءبىر توپقا ءتۇستى.

جالپى, ەكى قۇرامانىڭ ەڭ العاشقى «تانىستىعى» 2004 جى­لى باستالدى. 8 قىركۇيەكتە الما­تىداعى ورتالىق ستاديون­دا وتكەن ويىننىڭ ءبىرىنشى تايمىندا جەرلەستەرىمىز 1:1 ناتيجەسىمەن تەڭ تۇسكەنىمەن, ەكىنشى تايمدا تاعى ءبىر گول وتكىزىپ الىپ, 1:2 ەسەبىمەن جول بەردى. كەلەسى جىل­دىڭ ماۋسىم ايىندا جەر­لەستەرىمىز ۋكرايناعا ساپار شە­گىپ, كيەۆتەگى وليمپيادالىق ستاديوندا الاڭ يەلەرى ءبىزدىڭ قاقپاعا جاۋاپسىز ەكى گول سوعىپ, كەزەكتى جەڭىسىنە قول جەتكىزدى. اراعا ءۇش جىل سالىپ 2008 جى­لى ەكى قۇرامانىڭ جولى الەم چەم­پيوناتىنىڭ ىرىكتەۋ كەزەڭىندە تاعى دا ءتۇيىستى. وكىنىشكە قاراي, بۇل ىرىكتەۋدىڭ ەكى كەزدەسۋىندە دە ۋكراينالىقتاردىڭ مەرەيى ۇستەم بولدى. الماتىداعى ماتچتا 3:1, ۋكراينادا 2:1 ەسەبىمەن جەڭىلدىك.

كەشەگى كەزدەسۋدە دە ءبىزدىڭ جىگىتتەر جەڭىلۋدىڭ ءسال-اق الدىندا تۇرعان. بىراق باس باپكەر تالعات ءبايسۋفينوۆتىڭ ۇتىم­دى تاكتيكاسىنىڭ, نامىستى ۇلانداردان قۇرالعان ۇلتتىق قۇراما فۋتبولشىلارىنىڭ ءتاۋىر ويىنى ارقاسىندا تاريحي ناتي­جەگە قول جەتكىزىپ, ۋكراي­نامەن تەڭ تۇستىك. ارينە, كەڭەس وداعىندا ءبىر تۋدىڭ استىندا بولعان ۋكراينامەن تەڭ ويناۋ  ءبىز ءۇشىن اسا ءبىر ۇلكەن جەتىستىك بولماۋى كەرەك ەدى. تەك كەزەكتى ءبىر ويىندا تەرەزەسى تەڭ تۇسكەن كەزدەسۋ رەتىندە قاراۋىمىز ءتيىس بولاتىن. الايدا بۇعان دەيىنگى ءتورت بىردەي جەڭىلىسىمىزدى جانە قۇرامانى ورگە سۇيرەيدى دەگەن بىرقاتار نەگىزگى ويىنشىلاردىڭ بۇل ماتچتا ارىپتەستەرىنە كومەك­تەسە الماعانىن ەسكەرە وتىرىپ, تەڭ ويىندى قازاق فۋتبولى ءۇشىن ءدال قازىر جوعارى ناتيجە دەپ ساناۋعا بولادى.

ويىنعا توقتالار بولساق, تال­عات بايسۋفينوۆ فرانتسيامەن وتكەن العاشقى ماتچپەن سالىس­تىرعاندا, بۇل جولى نەگىزگى قۇ­رامعا ءبىراز وزگەرىس ەنگىزگەنىن بايقادىق. قاقپاشى الەكساندر موكيننىڭ ورنىنا ستاس پوكا­تيلوۆتى شىعارسا, ورتالىق قور­عاۋشى الەكساندر ماروچكين مەن وڭ قانات قورعاۋشىسى تيمۋر دوسماعانبەتوۆ تەمىرلان ەر­لانوۆ پەن مارات بىستروۆتى ال­ماس­تىردى. ال فرانتسيامەن بولعان ويىندا ءبىرىنشى مينۋتتان باستاپ شابۋىلدا ويناعان ماك­سيم فەديننىڭ ورنىنا ابات ايىم­بەتوۆ شىقتى.

ۇلتتىق قۇراماعا ءبىر-ءبىرىنىڭ ورنىن جوقتاتپايتىن ەڭ ۇزدىك فۋت­بولشىلار شاقىرىلادى دەسە دە, كەشەگى ماتچتا مارات بىس­تروۆ­تىڭ ورنى قاتتى ءبىلىندى. دوس­ماعانبەتوۆ وڭ قاپتالدا سون­شالىقتى جامان ويىن كورسەتتى دەپ ايتا المايمىز, بىراق كوپ جەردە ءجيى قاتەلەسىپ جاتتى. ايىم­بەتوۆ تە وزىنە جۇكتەلگەن مىندەتتى تولىق اتقاردى دەۋگە اۋىز بارمايدى. جالپى, قازىر ۇلت­تىق قۇرامادا شابۋىل سىزىعى قاتتى اقساپ تۇر. «روتوردا» وينايتىن الەكسەي ششەتكين مەن «ورداباسىنىڭ» شابۋىلشىسى توقتار جاڭعى­لىشبايدا جا­راقات, اباتتا ويىن تاجىريبەسى جوق, ال جاس فۋتبولشىلار را­مازان كارىموۆ پەن ماكسيم سا­مورودوۆ ءالى مۇن­داي جوعارى دەڭ­گەيدەگى ويىن­دارعا دايىن ەمەس.

ماتچ كوپشىلىك كۇتكەندەي, الاڭ يەلەرىنىڭ باسىمدىعىمەن باستالدى. قوس قاپ­تالدان قىس­پاققا العان ۋكراينا فۋتبولشىلارى 20-مينۋتتا ەسەپ اشتى. انگليانىڭ «مانچەستەر سيتي» كلۋبىندا دوپ تەبەتىن الەكساندر زينچەنكو وڭ قاپتالدا اشىق تۇرعان رومان يارەمچۋككە تاماشا پاس شىعارىپ, ول ءوز كەزەگىندە پوكاتيلوۆ قورعاعان قاقپانىڭ الىس بۇرىشىن ءدال كوزدەدى. ءبىرىنشى تايمدا ۋكراي­نالىقتاردا ەسەپتەگى باسىمدىعىن ارتتىراتىن بىرنەشە مۇمكىندىك بول­عانىمەن, قازاقستان قۇرا­ما­سىنىڭ قورعاۋشىلارى مەن قاق­پاشىسى قارسىلاستارىنا گول سو­عاتىن مۇمكىندىك بەرمەدى. ءسويتىپ ءبىرىنشى تايم 1:0 ەسەبىمەن الاڭ يەلەرىنىڭ پايداسىنا شە­شىلدى.

ءۇزىلىس كەزىندە باس باپكەر تال­عات بايسۋفينوۆ فۋتبول­شى­لاردىڭ نامىسىن قايراپ, قانداي ءسوز ارقىلى رۋحىن كو­تەرگەنى بىزگە بەلگىسىز, بىراق ەكىن­شى 45 مينۋتتا «توعىزىنشى تەر­­ريتوريا» وكىلدەرىنىڭ ويىنى وزگەرىپ سالا بەردى. نەگىزىنەن قارسى شابۋىلعا يەك ارتقان قا­­زاقستان قۇراماسىنىڭ فۋتبول­شىلارى ويىننىڭ 59-مينۋتىندا تارازى باسىن تەڭەستىردى. كەزەكتى ءبىر قارىمتا شابۋىلدا ازات نۇرعاليەۆتىڭ پاسىنان كەيىن سەرىكجان مۋ­جيكوۆتىڭ قارسىلاس كو­ماندانىڭ ايىپ الاڭىنا جاقىن جەردەن اينالدىرا تەپكەن دوبىنا ۋكراينا قۇراماسىندا العاشقى ماتچىن وتكىزىپ جاتقان قاقپاشى سەرگەي ترۋبين قارسى تۇرا المادى.

ەسەپ تەڭەسكەننەن كەيىن ءبىز­­دىڭ جىگىتتەردە بەلگىلى ءبىر دەڭ­گەي­دە سە­نىمدىلىك پايدا بولىپ, مۇمكىندىك تۋىنداعان جاع­داي­­لاردا العا قاراي ۇمتىلدى. ۋكراي­­نالىقتار جەڭىس گولىن سوعۋعا بارىن سالدى. بىرنەشە ۇتىم­­دى ءساتتى پايدالانا ال­ماعان ۋكراينا قۇراماسىنا قار­سى جىگىتتەرىمىز ساۋاتتى ونەر كورسەتىپ, قا­ۋىپتىڭ بەتىن توي­تا­­رىپ وتىردى. بۇل جەردە قاق­پاشى ستاس پوكا­تي­لوۆتىڭ ايتارلىقتاي شە­بەرلىك تانىت­قانىن دا ايتا كەتۋ پارىز. قورىتىندى ەسەپ – 1:1. وسى­لاي­شا, قازاقستان قۇراماسى ءبىرىنشى رەت ۋكراينامەن تەڭ ويناپ, وسى الەم چەمپيوناتىنىڭ ىرىكتەۋ كەزەڭىندەگى العاشقى گولى مەن العاشقى ۇپايىنا قول جەت­كىزدى.

ۋكراينانىڭ وليمپيادالىق ستاديونىندا وتكەن كەزدەسۋدىڭ ستاتيستيكالىق ناتيجەلەرىنە قا­­راماي-اق, كەز كەلگەن فۋتبول جانكۇيەرلەرىنەن قازاقستان قۇ­راماسىنىڭ ەڭ ۇزدىك ويىنشىسى كىم بولدى دەپ سۇراساڭىز, ەش ويلانباستان گول اۆتورى سەرىكجان مۋجيكوۆ پەن سەگىز سەيۆ جاساعان قاقپاشى ستاس پوكاتيلوۆتى ايتار ەدى. «قايرات» قاقپاشىسى فرانتسيامەن وتكەن ويىندا مىق­تىلىق تانىتقان الەكساندر مو­كيننىڭ ەرلىگىن قايتالاپ, الداعى ۋاقىتتا دا قاقپانى وزىنە سەنىپ تاپسىرۋعا بولاتىنىن دا­لەلدەدى. ايتپاقشى, بەيرەسمي مالىمەت بويىنشا الەكساندر فران­تسيامەن وتكەن ويىننان كەيىن ۇلتتىق قۇرامداعى كارەراسىن اياقتاعانىن ايتىپتى. موكيننىڭ ەسىمى كەشەگى ويىن حاتتاماسىنا ەنبەگەنىن ەسكەرەتىن بولساق, راسىمەن جاستارعا ورنىن بەرگەن شىعار.

ءسوز سوڭىندا ايتا كەتەر تاعى ءبىر جايت. ۇلتتىق قۇرامانىڭ ويى­نىنا بەيجاي قاراماي, بارلىق ماتچتى جىبەرمەي كورەتىن فۋتبول جانكۇيەرلەرى بايقاسا كەرەك, كەيىنگى ەكى ويىندا ءبىزدىڭ جىگىتتەر ءبىرىنشى تايمعا قاراعاندا ەكىنشى تايمدا ءتاۋىر ويىن كورسەتىپ ءجۇر. ماسەلەن, فرانتسيامەن وت­كەن كەزدەسۋدە العاشقى تايمدا ەكى گول وتكىزىپ العانىمەن, ەكىن­شى تايمدا ونداي ساتسىزدىككە بوي الدىرمادى. ۋكراينامەن بول­عان ويىندا دا ءدال سول ستسەناري قايتالاندى. العاشقى تايمدا ويىن جۇرمەگەنىمەن, ەكىنشى تايمدا گول سوعىپ, ەسەپتى تەڭەستىرىپ كەتتى. ال بۇرىندارى قازاقستان قۇراماسى العاشقى تايمدا ءتاپ-ءتاۋىر ونەر كورسەتىپ, ەكىنشى تايمنىڭ سوڭعى مينۋتتارىندا بولماشى قاتەلىكتىڭ سالدارىنان قاقپاعا گول وتكىزىپ الاتىن. مىنە, وسىدان-اق تالعات ءبايسۋفينوۆتىڭ ۇلتتىق قۇراماعا ۇلكەن وزگەرىس اكەلىپ جاتقانىن بايقاۋعا بولادى.

ەندى فۋتبولشىلار قايتادان ءوز كلۋبتارىنا بارىپ, كۇزگە دەيىن ىشكى چەمپيوناتتاعى ويىن­دارىنا باسىمدىق بەرەدى. ويتكەنى الەم چەمپيوناتىنىڭ ىرىكتەۋ كەزە­ڭىن­دەگى كەزەكتى تۋر ويىندارى قىر­كۇيەكتە باستالادى.

2-تۋردان كەيىنگى تۋرنير كەستەسى