چەمپيوناتقا ەلىمىزدىڭ ءار وڭىرىنەن 200-دەن استام سپورتشى قاتىستى.
نۇر-سۇلتان قالاسىنىڭ سپورتشىسى اقمارال زۋپار سالماعى 24 كگ سالماقتى 201 رەت كوتەرىپ, ەل رەكوردىن جاڭارتتى.
68 كگ سالماق دارەجەسىندە ول جارىستىڭ التىن مەدالىن جەڭىپ, ەلىمىزدىڭ ءۇش دۇركىن چەمپيونى اتاندى.
اقمارالدىڭ جەكە جاتتىقتىرۋشى سەرىك ءابداحيننىڭ ايتۋىنشا, بۇل ناتيجە الەمدەگى ۇزدىكتەر قاتارىنا كىرەدى.
«بۇعان دەيىن ەلىمىزدىڭ رەكوردىن الەمنىڭ 10 دۇركىن چەمپيونى تاتيانا پوتەمكينا يەلەنگەن بولاتىن. ول 183 رەت كوتەرگەن. ەندى ونىڭ جەتىستىگىن قىزىمىز جەڭىپ وتىر. بۇل ءار بالانىڭ قولىنان كەلە بەرمەيدى. سپورتشىما ريزامىن. الداعى ءساۋىر ايىندا تاشكەنتتە وتەتىن ازيا چەمپيوناتىندا دا جوعارى دەڭگەيدە ونەر كورسەتەتىنىمىزگە سەنىمدىمىن», دەدى جاتتىقتىرۋشى.
ايتا كەتەيىك, 18 جاستاعى سپورتشى 14 جاسىندا حالىقارالىق دارەجەدەگى سپورت شەبەرى اتاعىن العان بولاتىن.
