– كرەديت جەلىسىن ۇلعايتۋ – بۇل بانك پەن «كسەلل» اق اراسىنداعى ءۇش جىلدىق تابىستى سەرىكتەستىكتىڭ تاماشا مىسالى. ءبىز سەرىكتەسىمىزدىڭ ءوز جەلىسىن دامىتۋعا قاراجات سالۋ نيەتىن قۇپتاپ, الداعى جوبالارعا قولداۋ كورسەتۋگە دايىنبىز, – دەپ اتاپ ءوتتى باسقارما توراعاسىنىڭ ورىنباسارى, بانك ۆتب (قازاقستان) باسقارما مۇشەسى ارمان مانگيتوۆ.
«كسەلل» اق ءموبيلدى داۋىستىق بايلانىس, قىسقا حابارلامالار جىبەرۋ, مۋلتيمەديالىق حابارلامالارمەن الماسۋ, ءموبيلدى كونتەنتكە قول جەتكىزۋ, سونداي-اق دەرەكتەردى تابىستاۋ قىزمەتتەرى, سونىڭ ىشىندە ينتەرنەت جەلىسىنە قول جەتكىزۋ سياقتى قوسىمشا قىزمەتتەردى (VAS) ۇسىنادى. كومپانيا نارىقتا ەكى برەندپەن ۇسىنىلعان: ماقساتتى اۋديتورياسى كورپوراتيۆتىك كليەنتتەر (سونىڭ ىشىندە مەملەكەتتىك مەكەمەلەر) بولىپ تابىلاتىن Kcell جانە جاپپاي نارىق ابونەنتتەرىنە باعىتتالعان Activ. كومپانيا قازاقستان رەسپۋبليكاسىنىڭ بارلىق دەرلىك اۋماعىن قامتيتىن ءوزىنىڭ جوعارى ساپالى ءموبيلدى بايلانىس جەلىسى ارقىلى قىزمەت كورسەتەدى.
