وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, رەيد بارىسىندا زاڭدى وكىلدەرىنىڭ ەرىپ ءجۇرۋىنسىز تۇنگى ۋاقىتتا تۇرعىن ۇيدەن تىس جەردە بولعان كامەلەتكە تولماعان 49 بالا انىقتالعان. بارلىق اتا-انالارعا قاتىستى قر اقبتك-ءنىڭ 442-بابى 2-بولىگى بويىنشا اكىمشىلىك ءىس قوزعالدى.
- سونداي-اق قوعامدىق ورىنداردا ماس كۇيىندە بولعان كامەلەتكە تولماعان 10 بالا ۇستالدى. وسى بۇزۋشىلىق ءۇشىن جاسوسپىرىمدەردىڭ زاڭدى وكىلدەرىنە قاتىستى قر اقبك 440-بابى بويىنشا اكىمشىلىك ءىس قوزعالدى. مىسالى, ساعات 23.20-دا تەپلوۆ كوشەسىندە 15 جاستاعى ءجاسوسپىرىم ۇستالدى. اڭگىمە بارىسىندا الكوگولدىڭ وتكىر ءيىسى شىعىپ تۇردى. پوليتسيا بولىمىنە ءجاسوسپىرىمنىڭ اتا-اناسى شاقىرىلىپ, ولاردىڭ قاتىسۋىمەن كۋالاندىرىلدى, - دەدى پاۆلودار قالاسى يۋۆەنالدى پوليتسياسىنىڭ اعا ينسپەكتورى رۋسلان سۇلەيمەنوۆ.
مامانداردىڭ ايتۋىنشا, ءجاسوسپىرىم ورتاشا ماس كۇيىندە بولعان. اناسىنا قاتىستى قر اقبك 440-بابى 2-بولىگى بويىنشا اكىمشىلىك حاتتاما تولتىرىلدى.
- پروفيلاكتيكالىق ءىس-شارانى وتكىزۋ كەزەڭىندە پاۆلودار قالاسىنىڭ پوليتسيا قىزمەتكەرلەرى 69 اكىمشىلىك قۇقىق بۇزۋشىلىقتى انىقتادى. كامەلەتكە تولماعان 7 بالا جانە قولايسىز 16 وتباسى الدىن الۋ جۇمىستارىن جۇرگىزۋ ءۇشىن باقىلاۋعا الىندى. بۇدان باسقا, كامەلەتكە تولماعانداردى تاربيەلەۋمەن ءتيىستى تۇردە اينالىسپايتىن زاڭدى وكىلدەردى انىقتاۋ بويىنشا جۇمىس جۇرگىزىلدى. قر اقبتك-ءنىڭ 127-بابى بويىنشا كامەلەتكە تولماعان بالانى تاربيەلەۋ جانە (نەمەسە) ءبىلىم بەرۋ, قۇقىقتارى مەن مۇددەلەرىن قورعاۋ جونىندەگى مىندەتتەردى ورىنداماعانى ءۇشىن 11 اتا-انا جاۋاپقا تارتىلدى, - دەپ اتاپ ءوتتى رۋسلان سۇلەيمەنوۆ.
