مارافونعا قاتىسۋشىلار ازىق-ت ۇلىك سەبەتتەرىن تاراتتى. قان وتكىزىپ, دونور بولدى, قار كۇرەپ كومەكتەستى, سونداي-اق ادامدارعا جىلدار بويى جاقسىلىق اكەلەتىن يگى ىستەردى اتقاردى. بالقاشتا ناۋرىز مەرەكەسى قارساڭىندا ەگدە ادامداردىڭ دەنساۋلىعىن نىعايتۋعا, اۋىرعاننان كەيىن قايتا جۇمىسقا كىرىسۋ قابىلەتىن قالپىنا كەلتىرۋگە باعىتتالعان جاڭا وڭالتۋ ورتالىق – قالاداعى ەڭ العاشقى مەديتسينالىق مەكەمە اشىلدى. وڭالتۋ ورتالىعى 40 توسەككە ەسەپتەلگەن ءارى زامانعا ساي جانە تەحنولوگيالىق قۇرىلعىلارمەن - مەحانواپپاراتتارمەن, ترەناجەرلەرمەن, فيزيوتەراپياعا ارنالعان جابدىقتارمەن, ەمدىك دەنە شىنىقتىرۋ جانە ماسساج قىزمەتىمەن جاراقتاندىرىلعان. قاراعاندى وبلىسىنىڭ دەنساۋلىق ساقتاۋ باسقارماسىنان اتاپ وتكەندەي, جوبا «بالقاش مەديتسينا ورتالىعى» جشس-مەن مەملەكەتتىك-جەكەشەلىك ارىپتەستىك اياسىندا جۇزەگە اسىرىلعان.
«بۇرىن بالقاش قالاسىندا تۇراتىن پاتسيەنتتەر وڭالتۋ ەمى ءۇشىن وبلىستاعى كلينيكالارعا باراتىن. ال ول جەردە كەزەك ۇزىن-سونار ەدى. بۇدان بىلاي ءبىز مەديتسينالىق قىزمەتتى وسىندا كورسەتە الامىز. ورتالىقتىڭ اشىلۋى - بۇل وسى قالانىڭ تۇرعىندارى ءۇشىن عانا قۋانىشتى حابار ەمەس, سەبەبى ءبىز تاياۋداعى ەلدى مەكەندەردەن كەلەتىن ازاماتتاردى دا قابىلدايتىن بولامىز», دەدى وڭالتۋ ورتالىعىنىڭ اتقارۋشى ديرەكتورى بەكزات تولەۋبەكوۆ.
يگى ىستەردىڭ تاعى ءبىرى كوكشەتاۋ قالاسىندا جاسالدى. وندا 1 ناۋرىز كۇنى جالعىزباستى زەينەتكەرلەرگە ارنالعان «مەيىرىمدى جۇرەك Lider.kz» پانسيوناتى اشىلدى. جوبا تۇرمىستىق زورلىق-زومبىلىقپەن بەتپە-بەت كەلەتىن ايەلدەرگە ارنالعان. پانسيونات باسشىسى يرينا كاتۋحوۆانىڭ ايتۋىنشا, وتكەن ايدا پانسيوناتقا 10 زەينەتكەر جۇگىنگەن. تاعى تورتەۋى كەلەسى اپتادا كەلەدى.
«جەكە دەمەۋشى – «تيولاين» جشس جالعا, ازىق-ت ۇلىكتىڭ ءبىر بولىگىنە, ءتورت قىزمەتكەردىڭ – ءۇش مەديتسينا قىزمەتكەرى مەن سانيتاردىڭ ايلىق ەڭبەكاقىسىنا كەرەكتى سومانى تولەپ بەرەدى. ال قالعاندارىنىڭ بارلىعى مۇندا ۆولونتەر رەتىندە جۇمىس ىستەيدى. ءبىزدىڭ پانسيوناتتا كۇنىنە التى ۋاقىت تاماق بەرەدى. پسيحولوگتىڭ قىزمەتى دە بار. سونىمەن بىرگە كەلۋشىلەر مەديتسينالىق تەكسەرىستەن وتەدى. ماسەلەن, بىزدە ينسۋلت العان اجە جاتىر. ارنايى سول كىسى ءۇشىن ءبىز فۋنكتسيونالدىق كەرەۋەت الدىق», دەيدى پانسيونات باسشىسى يرينا كاتۋحوۆا.
يگى ىستەر ەستافەتاسى قوستاناي قالاسىندا دا قولداۋعا يە بولدى. ل.ن. تولستوي اتىنداعى وبلىستىق كىتاپحانادا 2 ناۋرىزدا ۇستەل تەننيسىنىڭ اۋەسقويلارى كلۋبى اشىلدى. ەندى ءاربىر سەيسەنبى مەن بەيسەنبى سايىن مۇندا زاعيپ جانە كورۋ قابىلەتى ناشار ادامدار كەلىپ, بوس ۋاقىتىن تانىمدى ءارى قىزىقتى وتكىزەدى.
ال الماتى وبلىسىندا ناۋرىز مەرەكەسى قارساڭىندا «حالىق» قايىرىمدىلىق قورى «ەل تىرەگى – ەلباسى» اتتى اكتسيا وتكىزدى: ۆولونتەرلار حالىقتىڭ از قامتىلعان بولىگى سانالاتىن 2000 وتباسىعا ازىق-ت ۇلىككە تولى 6000 سەبەت تاراتتى. قايىرىمدىلىق سەبەتتەرى اقسۋ, بالقاش, الاكول, ەسكەلدى, سارقان, قاراتال, كوكسۋ اۋداندارى مەن تالدىقورعان, تەكەلى قالالارىنا جەتكىزىلدى.
بۇل - مارافونعا قاتىسۋشىلاردىڭ كوپتەگەن يگى ىستەرىنىڭ از عانا بولىگى. وتكەن ايدا ون مىڭنان استام وتباسى كومەك پەن قولداۋ تاۋىپ, ال ەڭ بەلسەندى ايماقتار قاتارىندا شىعىس قازاقستان, پاۆلودار جانە قاراعاندى وبلىستارى بولدى.
«مارافونعا مەملەكەتتىك ورگاندار, بيزنەس وكىلدەرى, مەتسەناتتار, قوعامدىق ۇيىمدار جانە يگى ىسكە بەي-جاي قارامايتىن ادامدار بەلسەندى قاتىسىپ جاتىر. سوندىقتان مارافونعا كەز كەلگەن ادام قاتىسا الادى. ءبىز ءوز ازاماتتارىمىزدى مارافونعا قاتىسۋعا, سونداي-اق ءوز يگى ىستەرىن الەۋمەتتىك جەلىلەردە بولىسۋگە, سول ارقىلى باسقالارعا ۇلگى كورسەتۋگە شاقىرامىز», دەدى «ازاماتتىق باستامالاردى قولداۋ ورتالىعى» كەاق باسقارما ءتورايىمى ليما دياس.
ەسكە سالا كەتەيىك, «قايىرىمدى ىستەر مارافونى» – ادامدار مەن ۇيىمداردى بىرىكتىرەتىن, جاقسىلىق جاساۋعا جىگەرلەندىرەتىن جالپىۇلتتىق جوبا. جوبا مەيىرىمدىلىك پەن جومارتتىق سالتانات قۇرعان قوعام قۇرۋدى كوزدەيدى, ويتكەنى وسىنداي ارەكەتتەر قوعامنىڭ, ادام بالاسىنىڭ جاقسى ءومىر سۇرۋىنە سەبەپشى بولماق.
بارلىق ۇيىمداستىرۋشىلىق سۇراقتارى بويىنشا ۇيلەستىرۋشىلەرمەن مىنا تەلەفون ءنومىرى +7 7172 22 12 24 بويىنشا, نەمەسە ينستاگرامداعى @qaiyrymdy_ister_marafony اككاۋنتى ارقىلى بايلانىسا الاسىزدار.
