ونى 27 جاستاعى الماتىلىق ۇيىمداستىرعان. ول كورشى ۇيدەن پاتەر جالداپ, سينتەتيكالىق ەسىرتكى ءوندىرىسىن باستاعان, دايىن ءونىمدى كوتەرمە دە, بولشەكتەپ تە ساتقانى انىقتالدى.
«ارنايى شارانى ءبىزدىڭ ءبولىمنىڭ قىزمەتكەرلەرى ارنايى ءبولىم ساربازدارىنىڭ جانە ارنايى دايىندالعان قىزمەتتىك-ىزدەستىرۋ يتىمەن كينولوگپەن بىرگە وتكىزدى. ش. ەسىمدى ازاماتتىڭ نەگىزگى تۇرعىلىقتى جەرىنىڭ جانىندا ورنالاسقان جالدامالى پاتەرىندە رۇقسات ەتىلگەن ءتىنتۋ كەزىندە «مەفەدرون» سينتەتيكالىق ەسىرتكى زاتتارىن وندىرۋگە ارنالعان كومپونەنتتەر مەن جابدىقتار تاركىلەندى. سوت-حيميالىق ساراپتاما تاركىلەنگەن زاتتاردىڭ پسيحواكتيۆتى زاتتارعا جاتاتىنىن راستادى. كۇدىكتى قىلمىستىق جاۋاپكەرشىلىككە تارتىلىپ, پد ۋاقىتشا ۇستاۋ يزولياتورىنا قامالدى. سوتقا دەيىنگى تەرگەۋ ءجۇرىپ جاتىر», دەدى الماتى قالالىق پوليتسيا دەپارتامەنتى ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.
