تاۋەلسىزدىكتىڭ العاشقى جىلدارىندا سۋ دوبىنان قازاقستاننىڭ ەرلەر مەن ايەلدەر قۇراماسى وزگە سپورت تۇرلەرىمەن سالىستىرعاندا ەل تاريحىندا تۇڭعىش رەت جاھاندىق دودادا ونەر كورسەتتى. 1994 جىلى يتاليانىڭ باس شاھارى – ريمدە جالاۋى جەلبىرەگەن الەم چەمپيوناتىندا ءتورت قۇرلىقتان جينالعان 50-گە جۋىق ەلدىڭ سپورتشىلارى 145 مەدال جيىنتىعىن ساراپقا سالدى. جارىس قوجايىندارى يتاليا, ماجارستان جانە كانادا سپورتشىلارىمەن بىرگە D توبىنا تۇسكەن قازاقستاننىڭ ەرلەر قۇراماسى ءۇش ويىننىڭ تەك بىرەۋىندە عانا جەڭىسكە جەتىپ, توپتا ءۇشىنشى ورىن يەلەندى. يتاليا جانە ماجارستان قۇرامالارىنا جول بەرگەن جەرلەستەرىمىزدىڭ تەك كانادالىقتارعا شاماسى كەلدى. ەكىنشى تۋردا ۇيەڭكى جاپىراقتار ەلىنىڭ سپورتشىلارىمەن كەزدەسكەن جىگىتتەرىمىز 10:4 ەسەبىمەن باسىم ءتۇستى. ال 9-12 ورىن ءۇشىن وتكەن ويىنداردا قازاقستان قۇراماسى اۋستراليا جانە گەرمانيادان جەڭىلىپ, سۋ دوبىنان تۇڭعىش الەم چەمپيوناتىن 12-ورىنمەن تۇيىندەدى. بۇل ءتاي-ءتاي باسقان جاس مەملەكەت ءۇشىن وتە جوعارى جەتىستىك بولاتىن. كەيىننەن ەلىمىزدىڭ ەرلەر قۇراماسى الەم چەمپيوناتتارىنىڭ تۇراقتى قاتىسۋشىسىنا اينالدى. جەرلەستەرىمىز بۇگىنگە دەيىن ايتۋلى دودادا جەتى رەت (1998, 2001, 2009, 2011, 2013 جانە 2015 جىلدارى) باق سىنادى.
يتالياداعى الەم چەمپيوناتىنا قاتىسقان ايەلدەر قۇراماسى دا جاھاندىق باسەكەنى 12-ورىنمەن قورىتىندىلادى. يتاليا, اقش, اۋستراليا, گەرمانيا, جاڭا زەلانديا سەكىلدى مىقتى ۇجىمعا تاپ كەلگەن جەرلەستەرىمىز 5 ويىننىڭ تورتەۋىندە جەڭىلىپ, سوڭعى تۋردا گەرمانيا قۇراماسىمەن (5:5) تەڭ ءتۇستى. قازاقستاننىڭ ايەلدەر كومانداسى دا سۋ سپورتىنان الەم چەمپيوناتتارىندا ءجيى بوي كورسەتەتىن ۇلتتىق قۇرامانىڭ ءبىرى سانالادى. ماسەلەن, بۇگىنگە دەيىن بۇرىمدىلار الەم چەمپيوناتىنىڭ فينالدىق كەزەڭىنە 8 رەت (1994, 1998, 2001, 2003, 2007, 2009, 2011, 2013) جولداما الدى.
كەيىننەن الەم چەمپيوناتىنا قازاقستاننىڭ شايبالى حوككەي قۇراماسى قوسىلدى. 1998 جىلى شۆەيتساريانىڭ تسيۋريح جانە بازەل قالالارىندا ۇيىمداستىرىلعان مۇز ۇستىندەگى باسەكەدە قازاقستان رەسەي, فينليانديا جانە لاتۆيا سەكىلدى حوككەي دەرجاۆالارىمەن ءبىر توپتا ونەر كورسەتتى. وسكەمەن حوككەي مەكتەبىنىڭ تۇلەكتەرىنەن جاساقتالعان ۇلتتىق قۇرامامىز بارلىق ويىندا قارسىلاستارىنا ەسە جىبەرسە دە, تۇڭعىش الەم چەمپيوناتىنان زور تاجىريبە جيناقتاپ قايتتى.
بۇدان كەيىن قازاقستاندىق حوككەيشىلەر الەم چەمپيوناتىنا جەتى مارتە (2004, 2005, 2006, 2010, 2012, 2014 جانە 2016 جىلدارى) قاتىستى. 2005 جىلى اۋستريادا وتكەن جاھاندىق جارىستا ءبىزدىڭ جىگىتتەر 12-ورىنعا تابان تىرەدى. بۇل – الەم چەمپيوناتتارىنداعى ازىرشە ەڭ ۇزدىك ناتيجەمىز. مۇزايدىن شەبەرلەرى, بالكىم, بۇل كورسەتكىشتى بيىلعى الەم چەمپيوناتىندا جاڭارتىپ قالار. الداعى مامىر ايىنىڭ 21-ءى مەن ماۋسىمنىڭ 6-سى ارالىعىندا لاتۆيا استاناسى ريگادا وتەتىن الەمدىك سايىستا 2019 جىلى جوعارى ديۆيزيونعا ورالعان قازاقستان قۇراماسى كانادا, فينليانديا, اقش, گەرمانيا, لاتۆيا, نورۆەگيا, يتاليا قۇرامالارىمەن B توبىندا سىنعا تۇسەدى.
1999 جىلى نيگەريادا وتكەن فۋتبولدان جاستار اراسىنداعى الەم بiرiنشiلiگi قازاق فۋتبولىنىڭ التىن تاريحىنا ەندى. ويتكەنى الا دوپ ونەرىنە اڭسارى اۋعان قازاق جاستارى ازيادا تەڭدەسسىز قۇراما اتانىپ, افريكا قۇرلىعىندا ۇيىمداستىرىلعان الاماندا تۇڭعىش رەت ونەر كورسەتتى. سارىقۇرلىقتا قارسىلاس شاق كەلتىرمەگەن قازاقستان الەم چەمپيوناتىندا جاستار اراسىنداعى سوڭعى الەمدىك دودانىڭ جەڭiمپازى ارگەنتينا, افريكا چەمپيونى گانا قۇراماسى مەن ەۋروپانىڭ قولا جۇلدەگەرi حورۆاتيا كومانداسىنا تاپ كەلدى. كىل مىقتى قارسىلاسپەن جاسىل الاڭدا جولىققان جەرلەستەرىمىز تۇساۋكەسەر كەزدەسۋىندە ارگەنتينادان 1:0 ەسەبىمەن جەڭىلسە, ەكىنشى تۋردا حورۆاتياعا 5:1 ناتيجەسىمەن جول بەردى. قازاقستان قۇراماسىنان الەم چەمپيوناتىنداعى ەڭ ءبىرىنشى جانە ازىرشە ەڭ سوڭعى گولىن ەرلان ورازاەۆ سوققان بولاتىن.
گول سوعىلعان ءساتتى ەرلان ورازاەۆ بىلاي بايانداپ بەرگەن ەدى: «ەۋروپالىق قارسىلاسىمىزدىڭ كەزدەسۋگە دايىندىعى وتە كەرەمەت بولاتىن. مەن ويىنعا تەك ەكىنشى تايمدا قوسىلدىم. ول كەزدە ماتچتىڭ ەسەبى 3:0 بولىپ تۇرعان. الاڭعا شىعا سالىپ ەسەپ ايىرماسىن قىسقارتسام دا, قاپتالداعى تورەشi «ويىننان تىس قالدىڭ» دەپ ەسەپتەمەي تاستادى. بiراق ماتچتان كەيىن قايتالاۋدى كورسەم, ەشقانداي دا وفسايد بولماپتى. سونىڭ ارتىنشا ۇجىم بولىپ تاعى شابۋىل ۇيىمداستىردىق. كiم ەكەنi قازiر ەسiمە تۇسپەي تۇر, وڭ قاپتالدان بiر ارiپتەسiم پاس بەردi. دوپ اياعىما ءدال كەلگەنىن سەزسەم كەرەك, ەشتەڭەگە قاراماستان جويقىن سوققى جاسادىم. شامامەن 30 مەتر جەردەن باعىتتاعان دوبىم حورۆاتيا قاقپاشىسى ءۇشiن الىنباستاي بولىپتى. دوپ قاقپا تورىندا تۋلاپ جاتتى. وسىلايشا, قازاقستان فۋتبولىنىڭ الەم بiرiنشiلiگiندەگi سوعىلعان تۇڭعىش, ءالi كۇنگە دەيiن جالعىز بولىپ تۇرعان گولى تiركەلگەن. ەندi بار ءۇمiتiم سول گولدىڭ تەزiرەك جاڭارتىلۋى. بiزدiڭ iنi-باۋىرلارىمىز ۇلتتىق قۇراما ساپىندا ءالi تالاي گول سالادى دەپ سەنەمiن», دەپ ەسىنە الدى. بۇگىندە ايگىلى شابۋىلشى قاراعاندىنىڭ «شاحتەر» كلۋبىنىڭ ديرەكتورى قىزمەتىن اتقارادى.
اراعا جىل سالىپ عاسىرلار توعىسىندا قازاقستاننىڭ فۋتزال قۇراماسى دا تۇڭعىش رەت الەم چەمپيوناتىنا قاتىسۋعا مۇمكىندىك الدى. 2000 جىلدىڭ كۇزىندە گۆاتەمالا تورىندە ۇيىمداستىرىلعان دوپ دوداسىندا جەرلەستەرمىز برازيليا, پورتۋگاليا جانە الاڭ يەلەرىمەن بىرگە «ا» توبىندا باق سىنادى.
مۇحيتتىڭ ارعى بەتىندە وتكەن الەم بىرىنشىلىگىندە ءبىزدىڭ جىگىتتەر بارلىق قارسىلاسىنان جەڭىلگەنىمەن, قازاقستان قۇراماسى ءۇشىن مۇنداي ءىرى جارىسقا قاتىسۋدىڭ ءوزى – زور مارتەبە, مول تاجىريبە ەدى. ودان كەيىن قازاقستان ۋەفا قاناتىنىڭ استىنا ءوتىپ, قازاقستان فۋتزالى جاڭا دەڭگەيگە كوتەرىلدى. 2016 جىلى كولۋمبياداعى الەم چەمپيوناتىنا مىقتى دايىندىقپەن بارعان جەرلەستەرىمىز توپتىق كەزەڭدە ارگەنتيناعا ەسە جىبەرگەنىمەن (1:0), كەيىنگى ماتچتا كوستا-ريكا قۇراماسىنان باسىم ءتۇستى (3:1). ال سوڭعى تۋردا سولومون ارالدارىنىڭ قاقپاسىنا جاۋاپسىز 10 گول سوعىپ, ءوز توبىندا ەكىنشى ورىن الدى. ءسويتىپ قازاقستان تۇڭعىش رەت ماڭىزدى دودانىڭ پلەي-وفف كەزەڭىنە قادام باستى. 1/8 فينالدا الەمنىڭ ەكى دۇركىن چەمپيونى يسپانيا قۇراماسىمەن جولىققان ءبىزدىڭ جىگىتتەر تارتىستى وتكەن ويىندا 5:2 ەسەبىمەن جەڭىلىپ قالدى. 30 مينۋت بويى يسپانيالىقتارعا ازۋ كورسەتىپ, 2:2 ناتيجەسىمەن تەرەزەسى تەڭ ءتۇسىپ تۇرعان ورەندەرىمىز ماتچتىڭ سوڭعى 10 مينۋتىندا قاقپالارىنا ءۇش گول وتكىزىپ الىپ, جارىستى پلەي-وفف كەزەڭىندە اياقتاۋعا ءماجبۇر بولدى.
سونىمەن قاتار ۆولەيبولدان قازاقستاننىڭ ەرلەر جانە ايەلدەر قۇرامالارى دا الەم چەمپيوناتىندا باق سىنادى. ەرلەر قۇراماسى 2002 جىلى ارگەنتينادا جانە 2006 جىلى جاپونيادا وتكىزىلگەن قۇرلىق بىرىنشىلىگىندە ونەر كورسەتسە, ايەلدەر جاپونيا (2006, 2010, 2018) جانە يتالياداعى (2014) الەم چەمپيوناتتارىندا ويناپ, توپتىق كەزەڭنەن كەرى قايتتى. سونداي-اق گاندبولدان قىزدار قۇراماسى (2007, 2009, 2011, 2015, 2019) مەن كوگالداعى حوككەيدەن قىزدار اراسىنداعى ەلىمىزدىڭ باس قۇراماسى 2011 جانە 2015 جىلدارى اتالعان سپورت تۇرىنەن وتكەن جىلدىڭ باستى باسەكەلەرىنىڭ توپتىق كەزەڭىندە ەل نامىسىن قورعادى.
