جەدەل-ىزدەستىرۋ ءىس-شارالارى بارىسىندا كريمينالدىق پوليتسيا قىزمەتكەرلەرى وبلىس ورتالىعىنىڭ 19 بەن 20 جاستاعى ەكى تۇرعىنىن ۇستادى. ولاردىڭ بىرەۋى كورشى كاسىپورىندا جۇمىس ىستەگەن. ايتۋىنشا, جۇمىسقا بارا جاتقان تۇستا كوزىنە ۇنەمى وسى كابەل تۇسكەن ەكەن. ۇستالعاندار ۇرلانعان كابەلدى وقشاۋلاۋىش ماتەريالدان تازارتۋ ءۇشىن وتقا كۇيدىرءىپ, مەتالل قابىلداۋ ورنىنا بار بولعانى 27 مىڭ تەڭگەگە تاپسىرىپتى. اتالعان فاكتى بويىنشا قىلمىستىق كودەكستءىڭ 188-بابىمەن سوتقا دەيىنگى تەرگەۋ باستالدى.
«قاسكويلەر كاسىپورىنعا ايتارلىقتاي شىعىن كەلتىرىپ, از عانا قاراجات ءۇشىن باستارىن بايگەگە تىككەن. كوپ جاعدايلاردا كۇزەتتىڭ ساۋاتتى ۇيىمداستىرىلۋى قىلمىستىڭ الدىن الۋعا مۇمكىنشىلىك بەرەدى. اتالمىش كاسىپورىننىڭ كۇزەتى تياناقتى جۇمىس ىستەمەگەن», دەيدى سقو پد كريمينالدىق پوليتسيا باسقارماسى باستىعىنىڭ ورىنباسارى, پوليتسيا پودپولكوۆنيگى مارات جۇماليەۆ.
