مەكتەپ وقۋشىلارىنىڭ جاپپاي ۋلانۋىنا بايلانىستى ماماندار تەكسەرۋ جۇمىستارىن جۇرگىزىپ جاتىر. سوڭعى مالىمەتتەرگە سۇيەنسەك, زارداپ شەككەن بالالاردىڭ سانى ارتقان. شقو سانيتارلىق-ەپيدەميولوگيالىق باقىلاۋ دەپارتامەنتىنىڭ باستىعى قانات تۇرديەۆتىڭ ايتۋىنشا, 29 ناۋرىزداعى جاعداي بويىنشا 14 جاسقا دەيىن 93 بالا, 28 ءجاسوسپىرىم جانە التى ەرەسەك ادام ۋلانعان. بۇل 127 ادامنىڭ 110-ى بوزانباي ورتا مەكتەبىنىڭ وقۋشىلارى.
«ناۋقاستاردىڭ دەنە قىزۋى كوتەرىلگەن. جۇرەكتەرى اينىپ, قۇسقان. وسكەمەندەگى انا مەن بالا ورتالىعىنىڭ جۇقپالى اۋرۋلار بولىمىنە 62 بالا جاتقىزىلدى. قالعانداردى ۇيلەرىندە دارىگەر باقىلاۋىندا», دەدى قانات تۇرديەۆ.
سونداي-اق, ەپيدەميولوگيالىق تەكسەرۋ بارىسىندا ۋلانعاندارمەن بايلانىستا بولعان 383 ادام انىقتالدى. ولار دا مەديتسينالىق باقىلاۋعا الىندى. قازىرگى ۋاقىتتا دەپارتامەنت ماماندارى مەن ۇلتتىق ساراپتاما ورتالىعى تەكسەرۋ جۇمىستارىن جالعاستىرىپ جاتىر. قىلمىستىق ءىس بويىنشا تاماق ونىمدەرىنىڭ سىناماسى الىندى. مەكتەپ كارانتينگە جابىلدى.
ەستەرىڭىزگە سالا كەتسەك, وسىعان دەيىن دە بوزانبايداعى مەكتەپتە وقۋشىلار تاماقتان ۋلانعان.
