ازەربايجاننىڭ جەرگىلىكتى AرA.az سايتىنىڭ مالىمەتىنشە, ارال يراننىڭ مازەندەران پروۆينتسياسىنداعى نوۋشەحر پورت قالاسىندا ورنالاستىرىلادى. قازىرگى ۋاقىتتا قۇرىلىسقا ليتسەنزيا بەرىلىپ قويعان.
وسى ورايدا يراننىڭ نوۋشەحر ايماعىنىڭ باسشىسى الي اماني تەڭىزدە ارال قۇرۋ ءۇشىن مەملەكەتتىك جانە جەكە ينۆەستورلار تارتىلاتىنىن مالىمدەدى.
الداعى ۋاقىتتا جاعالاۋدان 1 شاقىرىم قاشىقتىقتا ورنالاسقان ارالدىڭ اۋدانى 18 گەكتاردى قۇرايتىن بولادى. ارالدا 300 اتتراكتسيون, 5 جۇلدىزدى قوناقۇي, تەڭىز ونىمدەرى مەيرامحاناسى, ويىن-ساۋىق ساياباعى, سپورتتىق-ساۋىق ورتالىعى, كونفەرەنتس-زال جانە باسقا دا نىساندار بوي كوتەرەدى.
