قايرات امانگەلدى ۇلى قامزين 1976 جىلى دۇنيەگە كەلگەن. ەكى جوعارى ءبىلىمى بار: 1998 جىلى قاراعاندى مەملەكەتتىك تەحنيكالىق ۋنيۆەرسيتەتىن «ماشينا جاساۋ تەحنولوگياسى» ماماندىعى بويىنشا جانە 2009 جىلى قاراعاندى «بولاشاق» ۋنيۆەرسيتەتىن «قارجى» ماماندىعى بويىنشا تامامداعان.
ەڭبەك جولىن 1999 جىلى باستاعان. جەكە قۇرىلىمدا ءارتۇرلى لاۋازىمداردى اتقاردى.
مەملەكەتتىك قىزمەتتە 2005 جىلدان بەرى ەڭبەك ەتىپ كەلەدى. تەحنيكالىق رەتتەۋ جانە مەترولوگيا كوميتەتىنىڭ قاراعاندى وبلىسى بويىنشا باسقارماسىنىڭ جەتەكشى مامانى بولدى.
2006 جىلدان 2007 جىلعا دەيىن قاراعاندى قالاسىنىڭ قازىبەك بي اتىنداعى اۋدان اكىمى اپپاراتىنىڭ ۇيىمداستىرۋ جانە كادر جۇمىسى ءبولىمىنىڭ باس مامانى بولىپ جۇمىس ىستەگەن.
2007-2010 جىلدار ارالىعىندا تابيعي مونوپوليالاردى رەتتەۋ اگەنتتىگىنىڭ قاراعاندى وبلىسى بويىنشا دەپارتامەنتىنىڭ باس مامانى, ءبولىم باستىعى قىزمەتىن اتقاردى. ودان كەيىن وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى باستىعىنىڭ ورىنباسارى بولعان.
2012 جىلدان باستاپ قازىرگى ۋاقىتقا دەيىن پريوزەرسك قالاسىنىڭ اكىمى قىزمەتىن اتقاردى.
