تۇرعىندار قوشتاسۋ ءراسىمى وتكەن دار-ەس-سالامە قالاسىنداعى ستاديونعا بەكىتىلگەن جولدان اينالىپ وتۋگە تىرىسقانىمەن, 35 ادام ءتۇرلى جاراقات الىپ, 45-ءى وقيعا ورنىندا كوز جۇمدى. ماگۋفۋليدى جەرلەۋ ءراسىمى 26 ناۋرىزدا تانزانيانىڭ سولتۇستىك-باتىسىنداعى چاتو قالاسىندا وتتى.
قايتىس بولعان مەملەكەت باسشىسىمەن قوشتاسۋ ءراسىمى بۇكىل ەلدە التى كۇن بويى وتەدى. دار-ەس-سالامە قالاسىنداعى ستاديوندا وقيعالاردان كەيىن بيلىك ارنايى قاۋىپسىزدىك شارالارىن قابىلدادى. دجون ماگۋفۋلي 17 ناۋرىزدا 61 جاسىنا قاراعان شاعىندا دار-ەس-سالامنىڭ اۋرۋحاناسىندا جان ءتاسىلىم ەتتى.
ايتا كەتەيىك, ىندەت باستالعان شاقتا ماگۋفۋلي تانزانياداعى كوروناۆيرۋستىڭ بار ەكەنىنە كۇمان كەلتىرىپ, اۋرۋدان قورعانۋ ءۇشىن دۇعا ەتۋ كەرەكتىگىن ايتقان ەدى. ماۋسىم ايىندا ول ەلىنىڭ كوروناۆيرۋستى «قۇدايدىڭ راقىمىمەن» جەڭگەنىن مالىمدەدى.
