ازىق-ت ۇلىككە ەڭ كوپ شىعىندالاتىن تۇرعىندار اتىراۋ وبلىسىندا (2020 جىلدىڭ ءتورتىنشى توقسانىندا 404,7 مىڭ تەڭگە), تۇركىستان وبلىسى (393,2 مىڭ تەڭگە) جانە قىزىلوردا وبلىسى (383,6 مىڭ تەڭگە). ازىق-ت ۇلىككە جۇمسالاتىن شىعىننىڭ كوپ بولىگى ەت پەن ەت ونىمدەرىنە جۇمسالادى – 18,6% تيەسىلى. تاعى 7,8% نان جانە جارما ونىمدەرىنە, 5,2% ءسۇت جانە ءسۇت ونىمدەرىنە تيەسىلى.
2020 جىلدىڭ ءتورتىنشى توقسانىندا ءاربىر قازاقستاندىق ورتاشا ەسەپپەن 21,3 كەلى ەت جانە ەت ونىمدەرىن, 35,5 كەلى نان-توقاش ونىمدەرى مەن جارما, 63,4 كگ ءسۇت جانە ءسۇت ونىمدەرىن تۇتىندى. جالپى, 2020 جىلى ءاربىر قازاقستاندىق ورتا ەسەپپەن 83,9 كگ ەت جانە ەت ونىمدەرىن تۇتىنعان. ەڭ جوعارى تۇتىنۋ قاراعاندى مەن اقمولا وبلىستارىندا بايقالدى – جان باسىنا شاققاندا ورتا ەسەپپەن 101,7 جانە 100,7 كگ. 2020 جىلدىڭ قاڭتار-جەلتوقسانىندا ازىق-ت ۇلىك باعاسى 2019 جىلدىڭ قاڭتار-جەلتوقسانىمەن سالىستىرعاندا 10,6% ءوستى.
باعانىڭ ەداۋىر ءوسۋى ەلوردادا جانە پاۆلودار وبلىسىندا (11,2%), سونداي-اق شىمكەنتتە (11,1%) بايقالدى. ەت جانە ەت ونىمدەرىنىڭ باعاسى نۇر-سۇلتاندا 12,7%, پاۆلودار وبلىسىندا 11,2%, شىمكەنتتە 10,9% ءوستى. قازاقستاندا ەت جانە ەت ونىمدەرى ورتاشا ەسەپپەن 12,1% قىمباتتادى.