ايماقتار • 30 ناۋرىز، 2021

سەمەيدە 100 ملن تەڭگەدەن استام ماريحۋانا مەن گاشيش تاركىلەندى

117 رەت كورسەتىلدى

سەمەي قالاسىنىڭ تۇرعىنىنان 153 كەلى ماريحۋانا مەن 10 كەلى گاشيش تاركىلەندى، دەپ حابارلايدى Polisia.kz.

شىعىس قازاقستان وبلىسى پد سەمەي قالاسىنىڭ پب ەسىرتكى قىلمىسىنا قارسى ءىس-قيمىل جانە كريمينالدىق پوليتسيا  بولىمدەرىنىڭ قىزمەتكەرلەرى جەدەل دەن قويۋ جاساعىنىڭ جاۋىنگەرلەرىمەن بىرلەسە وتىرىپ، كەڭ اۋقىمدى ارنايى وپەراتسيا وتكىزدى. ءتىنتۋ بارىسىندا جەدەل ۋاكىلدەر سەمەي قالاسىنىڭ تۇرعىنىنان 1،5 تسەنتنەردەن استام كەپتىرىلگەن ماريحۋانا مەن 10 كگ گاشيش تاركىلەدى.

– جەدەل-ىزدەستىرۋ ءىس-شارالارى بارىسىندا سەمەي قالاسىنىڭ 44 جاستاعى تۇرعىنىنىڭ سەمەي قالاسىنا كاننابيس توبىنا جاتاتىن ەسىرتكى زاتتارىنىڭ اسا ءىرى پارتياسىن جەتكىزىپ، وسىندا ساتپاق بولعانى انىقتالدى. ونىڭ گاراجىنان 153  كەلىدەن استام ماريحۋانا جانە 10 كەلى گاشيش تاركىلەندى. تاركىلەنگەن ەسىرتكى  32 مىڭ ءبىر رەتتىك دوزانى قۇرايدى، ولاردىڭ “قارا نارىقتاعى” باعاسى 100 ملن تەڭگەدەن استام ، – دەدى شقو پد باستىعىنىڭ ورىنباسارى تالعات شاياحمەتوۆ.  

كۇدىكتى قاماۋعا الىندى. قازاقستان رەسپۋبليكاسى قىلمىستىق كودەكسىنىڭ 297-بابىنىڭ 3-بولىگى (ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ، جونەلتۋ نە وتكىزۋ) بويىنشا سوتقا دەيىنگى تەرگەۋ جۇرگىزىلۋدە، اتالعان باپتىڭ سانكتسياسى بويىنشا مۇلكىن تاركىلەي وتىرىپ، 15 جىلعا دەيىن باس بوستاندىعىنان ايىرۋ جازاسى كوزدەلگەن.

سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار