بالىقشىلار جايىق وزەنىنىڭ تومەنگى ساعاسىنان سالماعى 150 كەلى تارتاتىن بەكىرەنى اۋلادى.
سەرىكتەستىكتىڭ بالىق اۋلاۋ بريگاداسىنىڭ جەتەكشىسى ومىرزاق ازبەرگەنوۆتىڭ ايتۋىنشا, بەكىرە تۇقىمداس الىپ بالىق 29 ناۋرىزدا كەشكىسىن اۋعا ءتۇسىپتى. بالىقشىلار ونى بەكىرە تۇقىمداس بالىقتار شاباعىن ءوسىرۋ جونىندەگى مەملەكەتتىك تاپسىرىس اياسىندا اۋلاعان. بالىق جايىق-اتىراۋ بەكىرە شاباعىن ءوسىرۋ زاۋىتىنا جەتكىزدى.
«بەكىرە تۇقىمداس بالىقتىڭ سالماعى – 150 كەلى, ۇزىندىعى – 2 مەتر 44 سم. ءبىزدىڭ ماماندار ۋلترادىبىستىق سكانەردىڭ كومەگىمەن بەكىرەنىڭ انالىق ەكەنى, قارا ۋىلدىرىعى بارىن انىقتادى. قارا ۋىلدىرىعى بار بالىق زاۋىتتىڭ توعانىندا بولادى. ودان جاساندى جولمەن قارا ۋىلدىرىق الىنادى. سودان سوڭ ونى كاسپي تەڭىزىنە – تابيعي ورتاعا قايتا جىبەرەمىز» دەيدى زاۋىت ديرەكتورى عيلمان سارسەماليەۆ.
