اعىمداعى جىلدىڭ 1 اقپانىنان باستاپ «سپۋتنيك V» ۆاكتسيناسىنىڭ ەكى كومپونەنتىنىڭ 7700 دوزاسى كەلىپ تۇسكەن. وبلىستىق دەنساۋلىق ساقتاۋ باسقارماسىنىڭ مالىمەتىنشە, وسى ۋاقىتقا دەيىن «سپۋتنيك V» ۆاكتسيناسىنىڭ 1 كومپونەنتىمەن 7700 ادام ەكپە العان. ونىڭ ىشىندە 4562 مەديتسينا قىزمەتكەرى, 1403 پەداگوگ, 44 ۇلتتىق قاۋىپسىزدىك كوميتەتى وبلىس بويىنشا دەپارتامەنتى مەن وبلىستىق پوليتسيا دەپارتامەنتىنىڭ قىزمەتكەرلەرى, 18 ستۋدەنت, 1 الەۋمەتتىك مەكەمە قىزمەتكەرى, 11 مەملەكەتتىك قىزمەءتشى, سونداي-اق, 1661 باسقا دا ەكپە الۋشىلار بار.
العاشقى ەگۋدى العان 7700 ادامنىڭ 21 كۇننەن كەيىن 1527-ءسى «سپۋتنيك V» ۆاكتسيناسىنىڭ 2 كومپونەنتىمەن ەكىنشى ەگۋدى العان. ونىڭ ىشىندە 1398 مەديتسينا قىزمەتكەرى, 77 پەداگوگ جانە 52 باسقا سالا قىزمەتكەرلەرى بار. مالىمەت بويىنشا, بارلىق ەگىلگەندەردە ۆاكتسيناتسيادان كەيىن رەاكتسيالار مەن اسقىنۋلار بولماعان. سونىمەن قاتار, الداعى ۋاقىتتا ۆاكتسيناتسيا جۇرگىزۋ –ۆاكتسينانىڭ ايماققا تۇسۋىنە بايلانىستى جالعاسادى.
