قازاقستان رەسپۋبليكاسى پرەزيدەنتىنىڭ 2021 جىلعى 12 اقپانداعى جارلىعىمەن ءبىلىم سالاسىنىڭ ءبىر توپ وكىلى «قازاقستان رەسپۋبليكاسىنىڭ ەڭبەك سىڭىرگەن ۇستازى» اتانعان ەدى. سولاردىڭ اراسىندا جوعارى ساناتتى مۇعالىم اقمارال عابدۋللينا دا بار. ەڭبەگى ەلەنىپ, مەرەيى تاسىعان ۇستازعا قۇرمەتتى اتاقتى بءىلىم جانە عىلىم ءمينيسترى ا.ايماعامبەتوۆ تابىس ەتتى.
قازىر اقمارال عابدۋللينا يندەر اۋدانىنداعى كوكتوعاي اۋىلدىق وكرۋگىندە تۇرادى. وسىنداعى ب.نىسانباەۆ اتىنداعى ورتا مەكتەپتە 1988 جىلدان بەرى تاريح جانە قۇقىقتانۋ ءپانىنەن ءدارىس بەرەدى. اۋىل بالالارىنىڭ ەل جانە الەم تاريحىنا قانىعۋىنا, قۇقىقتىق ساۋاتىن ارتتىرۋىنا ەڭبەك ءسىڭىرىپ كەلەدى.
