قازاقستاننىڭ ءبىرىنشى, الەمنىڭ 44-راكەتكاسى سانالاتىن الەكساندر بۋبليك ءۇشىنشى اينالىمدا دۇنيەجۇزىلىك رەيتينگتە 104-ورىندا تۇرعان اۋستراليالىق دجەيمس داكۆورتپەن كۇش سىناستى. 1 ساعات 23 مينۋتقا سوزىلعان باسەكەدە وتانداسىمىز ەكى سەتتە 6:4, 6:4 ەسەبىمەن جەڭىسكە جەتىپ, قازاقستاندىق تەننيسشىلەر اراسىندا جالعىز ءوزى كەلەسى كەزەڭگە شىقتى. ەندى بۋبليك شيرەك فينالعا شىعۋ ءۇشىن الەمنىڭ 32-راكەتكاسى امەريكالىق تەيلور فريتتسپەن شەبەرلىك بايقاسادى. ول ءوز كەزەگىندە ءۇشىنشى اينالىمدا ۇلىبريتانيالىق كەمەرون ءنورريدى 6:4, 3:6, 6:1 ەسەبىمەن تىزە بۇكتىردى.
وكىنىشكە قاراي, بۋبليكپەن بىرگە ءتۋرنيردى ءساتتى جالعاستىرىپ كەلە جاتقان ەلەنا رىباكينا ءۇشىنشى اينالىمدا جەڭىلىسكە ۇشىراپ, جارىستان شىعىپ قالدى. وسى جارىستىڭ 21-راكەتكاسى بولىپ تىركەلگەن رىباكينا ءۇشىنشى اينالىمدا دۇنيەجۇزىلىك رەيتينگتە 58-ورىندا تۇرعان يسپانيالىق سارا سورريبەس-تورمومەن جولىعىپ, تارتىسى وتكەن ويىندا 6:3, 6:2 ەسەبىمەن قارسىلاسىنا جول بەردى.
