ديرەكتورلار باسقارماسىنىڭ داۋىس بەرۋ قورىتىندىسى بويىنشا ەرماحان ىبرايىموۆ چەمپيوندار مەن ارداگەرلەر ماسەلەلەرى جونىندەگى كوميسسيانىڭ مۇشەلىگىنە, مەيرام نۇرتازين جارىستاردى وتكىزۋ ماسەلەلەرى جونىندەگى كوميسسيانىڭ قۇرامىنا كىردى. جاڭادان تاعايىندالعان وكىلدەرگە ارنايى حاتتاردى AIBA پرەزيدەنتى ومار كرەملەۆ جولدادى.
ىبرايىموۆ پەن نۇرتازين – 2018-2019 جىلعى ۇزىلىستەن كەيىن AIBA باسقارۋشى ورگاندارىنا تاعايىندالعان العاشقى قازاقستان وكىلدەرى. 2014 جىلدان 2017 جىلعا دەيىن كوميسسيالاردا قازاقستاننان التى ادام جۇمىس ىستەگەن بولاتىن. ايتا كەتەيىك, 2019 جىلى ۇيىمداعى رەفورمالارعا بايلانىستى بارلىق كوميسسيا مۇشەلەرى تاراتىلىپ, بيىلدان باستاپ جاڭا وكىلدەر تاعايىندالىپ جاتىر.
