تاياۋدا ول داۋىسى ۇلىتاۋدى مەكەن ەتەتىن ۇلار قۇستىڭ ۇنىنە ۇقسايتىن سازسىرناي جاساپ شىعاردى. شەبەر بۇل مۋزىكالىق اسپاپتىڭ بىرنەشەۋىن ۇلىتاۋ تاۋلارىنداعى ارشالارعا ءىلىپ قويدى. «بۇلاي ىستەۋىمە سازسىرنايدىڭ داۋىسى ەستىلسە, ۇلار قۇس ۇلىتاۋىنا قايتا ورالار دەگەن وي تۇرتكى بولدى», دەپ ءتۇسىندىردى مۇنىسىن ازامات.
ايتقانداي, ارشا بۇتاقتارىنا ىلىنگەن اسپاپتار جەلدىڭ لەبىمەن ۇلار قۇستىڭ ۇنىنەن اۋمايتىن دىبىس شىعارىپ, توڭىرەكتى سازعا بولەپ تۇرادى ەكەن.
بۇل يدەيانى جۇزەگە اسىرۋ ءۇشىن ازامات الدىمەن ۇلار قۇستىڭ ءۇنىن اۋديو تاسپاعا جازىپ الىپتى. سونان كەيىن اسپاپتى سازدان يلەپ جاساعان دا, ءۇنىن ۇلار قۇستىكىنەن اۋمايتىنداي قىلىپ سايكەستەندىرگەن. ءبىر عاجابى, شەبەر بۇل اسپاپتى تەك ۇلىتاۋدىڭ سازبالشىعىنان عانا جاساۋعا بولاتىنىن ايتادى. ايتپەسە ءۇنى شىقپايدى ەكەن...
ءمۇسىنىنىڭ ءوزى ۇلار قۇستى ەسكە تۇسىرەتىن بۇل سازسىرنايدىڭ ۇلىتاۋعا كەلەتىن تۋريستەر ءۇشىن تاپتىرمايتىن كادەسىي بولاتىن ءتۇرى بار. قازىردىڭ وزىندە وعان دەگەن سۇرانىس وتە جوعارى.
ءوزى شەبەر, ءوزى مۋزىكانت ازامات باقيانىڭ كوللەكتسياسىندا الەم حالىقتارىنا جانە قازاق ۇلتىنا تيەسىلى مۋزىكالىق اسپاپتىڭ مىڭعا جۋىق ءتۇرى بار ەكەن.
قاراعاندى وبلىسى,
ۇلىتاۋ اۋدانى
