ايماقتار • 30 ناۋرىز، 2021

«باياناۋىل RUNNERS» مارافونشىلارى مارەگە جەتتى

12 رەت كورسەتىلدى

اۋدان ورتالىعىنداعى اۋەسقويلار جەڭىل اتلەتيكا كلۋبىنىڭ مۇشەلەرى 76 شاقىرىمدىق مارافون ۇيىمداستىردى. ماقسات – سپورتتىق شارا وتكىزۋ ارقىلى ناشاقورلىقتىڭ الدىن الۋ، جاستاردىڭ بويىندا ەسىرتكىگە قارسى تۇرا الاتىن بەرىك يممۋنيتەت قالىپتاستىرۋ قاجەتتىگىن جۇگىرۋ ارقىلى كورسەتۋ.

سۋرەتتى تۇسىرگەن ەلامان ءاشىم

مارافون قاتىسۋشىلارى ەكى قاشىق­تىق­تى تاڭدادى. قاتىسۋشىلار جارىس جو­لىنا تاڭعى 7:00-دە باياناۋىلعا كىرە­بە­رىس جولداعى ستەللا الدىنان ات­تان­دى. جۇگىرۋ مارافونى «باياناۋىل – جاسىباي – تورايعىر، تورايعىر – جا­سىباي – باياناۋىل – اۋليەبۇلاق – تورايعىر اۋى­لى­نا كىرەبەرىستەگى بۇرىلىس – رەس­پۋب­لي­كالىق باياناۋىل – پاۆلودار اۆتوجولى بويى باعىتىنداعى قاشىقتىققا ارنالدى.

كلۋب مۇشەلەرى، اۋدان سپورتشىلارى نۇرسۇلتان بىرلىك، تاڭات بەردالين، نۇرجان ايتماعامبەتوۆ، ولجاس كاكىم­جا­نوۆ ۇيىمداستىرعان مارا­فون­عا باياناۋىل­دىق جاستاردىڭ باستاماسىن قول­­داپ، پاۆ­لو­دار قالاسىنان 59 جاستاعى ەۆ­گەني بە­لوۆ، اقسۋ قالاسىنان سەرگەي حيحلۋحا، شى­عىس قازاقستان وبلىسىنىڭ بەسقاراعاي اۋدا­نىنان ارمان ءازىمجانوۆ سە­كىلدى سپورت­شىلار دا كەلدى.

ەۆگەني بەلوۆ، ارمان ءازىم­جانوۆ، نۇرسۇلتان بىرلىك پەن ولجاس كاكىمجانوۆتار 76 شاقىرىمدى تولىق جۇگىرىپ ءوتتى. نۇرسۇلتاننىڭ ايتۋىنشا، ولار مارافون بارىسىندا 50 شاقىرىمنان كەيىن ايالداۋ بەكەتىنە توقتاعان. ءسال ۇزى­لىستەن كەيىن، سۋسىن ءىشىپ الدەنىپ، ازداپ قي­­مىل جاتتىعۋلارىن جاساعان. ۇزىلىستەن كەيىن ەۆگەني بەلوۆ پەن نۇرسۇلتان بىر­لىك، باياناۋىل اۋىلدارىنداعى «ماڭ­گى­لىك الاۋ­عا» كەلىپ تاعزىم جاسادى.

– جۇگىرۋ بارىسىندا بىزگە سۋىق جەل دە، جاۋعان جاڭبىر دا سونشالىقتى كەدەرگى بولمادى. ينتەرنەتتەن ايگىلى مارافونشى، جەرلەسىمىز مارات جىلانباەۆ جايلى دەرەكتى فيلم كورىپ، جىگەرلەنىپ الدىق. اۋىل جاستارىنا بوس ۋاقىتتى سپورتقا، جاتتىعۋلارعا ارنايىق دەگىمىز كەلەدى. ال­داعى ۋاقىتتا دا اۋداندا ءارتۇرلى سپورت جا­­رىس­تارىن وتكىزۋ جالعاسادى، – دەيدى نۇرسۇلتان.

قاتىسۋشىلار مارافوندا، تۇسكى ءۇزىلىس­تى قوسپاعاندا، 10 ساعات ۋاقىت جۇگىردى. ول كەشكى ساعات 19:00-دە اياقتالدى. بار­لىق قاتىسۋ­شىلار جۇگىرىستى ەشقانداي جارا­قات­­سىز، وقىس وقيعاسىز وتكىزگەندەرىنە قۋا­­نىشتى ەكەندەرىن ايتىپ، ءبىر-ءبىرىن قۇت­تىقتادى.

مارەگە جەتكەن مارافون قاتىسۋ­شى­لا­رىن اۋداندىق قورعانىس ىستەرى ءبولىمىنىڭ باسشىسى، پودپولكوۆنيك اسىل شاديەۆ، سپورت ارداگەرى، اۋداندىق ورتالىق ستا­ديون­ ديرەكتورى ءابدىحاميت سۇڭقاربەكوۆ ما­­راپاتتادى. ۇيىمداستىرۋشىلار ەۆگەني بەلوۆقا اۋدان جاستارى اتىنان شا­­پان جاۋىپ، قۇرمەت كورسەتتى.

ال وبلىستىق پوليتسيا دەپارتامەنتى سپورت­تىق شارا وتكىزۋ ارقىلى ناشاقور­لىقتىڭ الدىن الۋ، جاستاردىڭ بويىندا ەسىرت­كىگە قارسى تۇرا الاتىن بەرىك يممۋنيتەت قالىپتاستىرۋدى جۇگىرۋ ارقىلى كور­سەتكەن مارافونشى جاستاردى العىس حات­تارمەن ماراپاتتادى.

 

پاۆلودار وبلىسى،

باياناۋىل اۋدانى

سوڭعى جاڭالىقتار

مەرەكە قارساڭىندا ماراپاتتالدى

ايماقتار • بۇگىن، 13:58

6 مامىرعا ارنالعان ۆاليۋتا باعامى

ەكونوميكا • بۇگىن، 11:16

«چەلسي» فينالعا شىقتى

سپورت • بۇگىن، 10:48

«قىزىل ايماققا» قايتا ورالدى

ايماقتار • بۇگىن، 08:33

ۆاكتسينالاۋعا سەنىم ارتىپ كەلەدى

مەديتسينا • بۇگىن، 08:30

...ىشكى دايىندىعىم پىسپەي جاتىر

ادەبيەت • بۇگىن، 08:27

مۋزىكالى مامىر

تەاتر • بۇگىن، 08:25

قايتپاس 1 قاراڭعىلىق قۇشاعىندا

ايماقتار • بۇگىن، 08:23

بولاشاقتى بەينەلەيتىن NUR ALEM

قازاقستان • بۇگىن، 08:05

«اللا» دەگەن جازۋى بار جۇمىرتقا

رۋحانيات • بۇگىن، 08:01

وڭىرلەردە كەزدەسۋلەر وتكىزدى

پارلامەنت • بۇگىن، 07:55

ۇقساس جاڭالىقتار