ايماقتار • 29 ناۋرىز، 2021

كەلەسى كەزدەسكەنشە، «كورپە Fest»!

63 رەت كورسەتىلدى

وبلىس ورتالىعىندا تاۋەل­سىز­دىكتىڭ 30 جىلدىعىنا وراي ۇيىم­داستىرىلعان «كورپەFest» ەتنوفەستيۆالىنىڭ قورىتىندى شا­راسى بولىپ ءوتتى. وندا قول­ونەر بۇيىمدارىن جاساۋ­مەن شۇعىل­دانا­تىن ىسمەرلەر جار­مەڭكەسى ۇيىمداستىرىلىپ، ءوڭىرى­مىزدىڭ 40-تان استام قولونەر شەبەر­ىنىڭ بۇيىمدارى قويىلدى.

ال وڭىرىمىزدە «كورپە Fest» قولونەر شەبەرلەرىنىڭ فەستيۆالى وتكەن جىلدىڭ قاراشا ايىندا ونلاين فورماتتا باستالدى. العاش رەت ۇيىمداستىرىلعان ونلاين بايقاۋعا 5-70 جاس ارالىعىنداعى 211 ادام تىركەلسە، ونىڭ 50-ءى – بالالار. ءتىپتى بۇرىن-سوڭدى وتپەگەن، تاقىرىبى دا ەرەكشە كورىنگەن بۇل بايقاۋعا قىزىعۋشىلىقپەن، شەبەرلىك ساباقتارىنا قاتىسقانداردىڭ سانى 400-گە جەتتى.

ۇلتتىق قولونەر جاناشىرى ىرزا تۇر­سىنزادانىڭ ەسىمى ەلىمىزگە بەلگىلى. ەتنوديزاينەر حانىم كەستە تىگۋ، سىرماق سىرۋ، قۇراق قۇراۋ سەكىلدى اتا سالتىمىزدى زاماناۋي تۇردە شەبەر ۇيلەستىرىپ قانا قويماي، بارلىق وڭىرلەردە تەگىن شەبەرلىك ساعاتتارىن، بايقاۋلار، فەستيۆالدار ۇيىمداستىرىپ كەلەدى.

جوبا جەتەكشىسىنىڭ ۇلتتىق ونەردى ناسيحاتتاۋ، سالت-ءداستۇردى كاسىپكە اينالدىرىپ، ايەلدەر، قىز-كەلىنشەكتەر ءناسىبىن تاپسىن دەگەن باستاماسىن وبلىس اكىمى ابىلقايىر سقاقوۆ تا قولدادى.

ىرزا تۇرسىنزادانىڭ ايتۋىنشا، قازاق ايەلى، اپا-اجەلەرىمىز، كەيىنگى كەلە جاتقان قىز-كەلىنشەكتەر باردا كورپە تىگىپ، ويۋ ويىپ، قىز جاساۋىن دايىنداۋ جاستىق ورنەكتەۋ ونەرى ماڭگىلىك ساق­تالادى، ۇرپاقتان-ۇرپاققا جالعاسادى.

بايقاۋ «شەبەردىڭ ينەسى دە التىن»، «قازاقى ناقىشتاعى ينتەرەر ۇلگىسى»، «كورپە ۆەرنيساجى» (4 كورپە، 4 جاستىق)، «ۇلتتىق سىيكادە» ونلاين شەبەرلىك ساباقتارى، «اتانىڭ كاسىبى – بالانىڭ ءناسىبى» اتتى 5 جاستان 16 جاسقا دەيىنگى بولاشاق شەبەرلەر بايقاۋى سياقتى ءارتۇرلى باعىتتا جاريالاندى.

وبلىستىڭ اۋدان-اۋىل،قالالارىندا جو­باعا تىركەلىپ، بۇيىمدارىن ۇسىنۋشى شەبەرلەر قولىنان شىققان ونىمدەرىن الەۋمەتتىك جەلىلەردە تانىستىرىپ، ار­قايسىسى وزدەرىنە بەرىلگەن حەشتەگ (قاتىسۋشىنىڭ ءنومىرى جانە اتى-جونىنەن تۇرادى) بويىنشا ونلاين داۋىستار جينادى.

بايقاۋ سوڭىندا بارلىق قاتىسۋشىعا سەرتيفيكاتتار بەرىلەتىنى، جۇلدەگەرلەرگە بيزنەس ءۇشىن 5 ميلليون تەڭگە گرانت الۋعا مۇمكىندىك بەرەتىن ىرزا تۇرسىنزادانىڭ جەكە كاسىبي شەبەرلىك كۋرسىنان وتكەنى تۋرالى ارنايى سەرتيفيكات، تۇرمىستىق جانە وندىرىستىك تىگىن ماشينالارى، اۆتورلىق ديزاينمەن كومكەرىلگەن 25 مەترلىك شاپانعا ارنالعان كەزدەمەلەر تابىستالادى دەگەن جاقسى حابارلامالارى دا كورىندى.

 – سولتۇستىك وڭىردە بايقاۋ وتكىزۋ قالاي بولار ەكەن دەگەندەر دە بولدى. ال كەرىسىنشە، سالت-ءداستۇردى جاقسى ساق­تاعان، كورپە، قۇراق تىگۋدى جەتىك بىلەتىن پاۆلودارلىق قىز-كەلىنشەكتەر، اپالارىمىز بايقاۋدا ەرەكشە كوزگە ءتۇستى، – دەيدى جوبا جەتەكشىسى.

ونەر كوزى – حالىقتا. ىلكى زامانداردان كەلە جاتقان ىسمەرلىك، شەبەرلىك قولونەر تۋىندىلارى قاسيەتتىلىگىمەن دە ەرەكشە ءماندى. ۇلتتىق قولونەرىمىزدى قازىرگى جاس قىزدار اراسىندا دارىپتەۋ قاجەتتىگى تۇسىنىكتى.

جوباعا وبلىسىمىزداعى قولونەر شە­بەرلەرى، ىسمەرلەر قاتىستى. قازاق كورپەسى وتباسىنىڭ بەرىكتىگىنە، بالالارىنىڭ كوپ بولۋىنا يگى اسەرىن تيگىزىپ، بايلىق پەن ءال-اۋقاتتىڭ تۇمارىنداي ءۇيدى جىلىلىققا، ۇيلەسىمدىلىككە تولتىرادى. قۇراق كورپە – ءۇيدىڭ ءسانى، ءناسىبى مول كاسىپ. ۇلتتىق بولمىس ۇعىمدارى بويىنشا انالارىمىز قۇراقتى «ادامنىڭ باسى قۇرالسىن، كوبەيسىن» دەگەن ىرىممەن تىگەدى.

مىسالى، اققۋلى اۋدانىنان فەس­تيۆالعا 20-عا جۋىق كوپبالالى انا، ار­دا­گەر زەينەتكەر جانە تاعى باسقا شە­بە­رلەر ءوز بۇيىمدارىن ۇسىندى. سو­لار­دىڭ ىشىنەن «تورتكەن ورنەگى»، «ۇلت­تىق ونەر – قازىنام»، «قوسجۇرەك – عا­شىق­تاردىڭ سوزىندەي»، ء«ىنجۋ-مارجان قۇراعى»، «سارقىلماس ونەر»، «سيقىرلى ورنەكتەر»، «تاڭ اسەمدىگى» سياقتى تۋىندىلار قۇراق قۇراۋدىڭ قايتالانباس ويۋلارىمەن ەرەكشەلەنەدى. ءار اتاۋدىڭ نەگىزىندە قاتىسۋشىنىڭ شىعارماشىلىق شابىتى مەن جىگەرى بايقالادى.

ساداق عاراپ اپامىزدىڭ «تورتكەن ورنەگى» – ء«تورت قۇبىلام تەڭ» دەگەن ءماندى بىلدىرسە، مايقاراعاي اۋىلىنان قاتىسۋشى ءۋاليحان مادينانىڭ «تاڭ اسەمدىگى» اتاۋى ەرتەڭگى كۇننىڭ باستالاتىنىن بىلدىرەتىن تاڭعاجايىپ قۇبىلىسپەن تەڭدەستىردى.

قىزىلگۇل قۇسايىن بولسا – مۇمكىندىگى شەكتەۋلى جان.

– باستاعان ءىسىمدى اياقتاي الماي قالا­مىن با دەپ كۇدىكتەنگەن ەدىم. دەن­ساۋ­لىعىم مۇمكىندىك بەرە بەرمەيدى. ال­لا­نىڭ قالاۋىمەن 4 كورپە تىگىپ ۇلگەردىم. بىل­­مەيتىنىمدى ىرزا حانىمنىڭ ونلاين ساباقتارىنان ۇيرەندىم. ۇيدە وتى­رىپ-اق تابىس تابۋعا بولاتىنىن ۇيرە­تىپ، ومى­رىمىزگە قۋانىش سىيلاعان ۇيىمداس­تىرۋشىلارعا راحمەت، – دەيدى ول اعىنان جارىلىپ.

ءتور كورپە تىگۋشىلەر اراسىنان «مىڭ جىلدىق ساۋلەسى» دەپ اتالاتىن اڭ ستيلىندە جۇزەگە اسىرىلعان كورپەلەردىڭ اۆتورى – ءۋاسيليا نۇرمۇحانبەتوۆا.

قولونەر بۇيىمدارىن جاساۋدى ۇي­رەنگەن ىسمەرلەر جارمەڭكەگە شىعارعان قىز جاساۋىنان باستاپ، الۋان ءتۇرلى كور­پە-جاستىق، قۇراق كورپەلەرگە تولى قا­زاقى ناقىشتا جاسالعان دۇنيەلەر ەرىك­سىز تاڭداي قاقتىرادى. ءتۇرلى ويۋمەن كوم­كەرىل­گەن جۇمساق جاستىقتار، تويباستار مەن ساندىقتاردى ساتىپ الۋعا بولادى.

كورمەگە فەستيۆالدىڭ ىرىكتەۋىنەن وت­كەن قولونەرشىلەردىڭ تۋىندىلارى قويى­لىپ، ىرزا تۇرسىنزادا ولارعا جوعارى باعا بەردى. شاراعا قاتىسقان وبلىس اكىمى ابىلقايىر سقاقوۆ قاتىسۋشىلاردى سەرتيفيكاتتارمەن جانە العىس حاتتارمەن ماراپاتتادى. بارلىعى دا باعالى سىيلىقتارعا يە بولدى. وبلىس اۋماعىندا ەكى ايداي ۋاقىت وتكىزىلگەن فەستيۆال 200-دەن اس­تام قىز-كەلىنشەكتى، اپا-اجەلەردى بىرىكتىرىپ، رۋحاني ماعىنالى جوبادا ار­قايسىسىنىڭ ەرەكشەلىكتەرىن كورسەتتى.

قاتىسۋشىلاردىڭ ۇلكەنى – 73 جاستاعى ورىنتاي سادۋاقاسوۆا.

– قولونەر، ىسمەرلىكپەن ءومىر بويى اينالىسىپ كەلەمىن. بالا كەزىمنەن كور­پە تىگە­مىن. جاس قىز-كەلىنشەكتەردىڭ قا­تارى­مىز­عا قوسىلعانىنا قۋانامىن، – دەيدى اپا­مىز.

ال ەڭ جاس قاتىسۋشى – مەكتەپ وقۋشىسى اياۋلىم كەلگەنباي.

– كىشكەنتايىنان ءىس تىككەندە ءار قي­مىلىما قىزىعا قاراپ وتىراتىن. ەكى اپ­تاداي قىزىما تىگىنشىلىكتىڭ قىر-سىرىن ۇي­رەتىپ، كەيىن ءوزىم قاسىندا وتىرىپ قادا­عالادىم. ءبىر جاستىق پەن ءتور كورپەنى تىگىپ شىقتى، – دەيدى اناسى تاڭجارىق.

كوپ بالالى انا دامەت شاراپاتقىزىنا دا ءىس تىگۋدى اناسى ۇيرەتىپتى. دامەت اپاي ءبىر جازدا 21 قۇراق كورپە تىگىپتى. ءتىپتى 5 قىزىن ۇزاتقاندا دا ارقايسىسىنىڭ جاساۋىنا قوسىپ تىگىن ماشيناسىن بەرىپتى.

– قازىر تاعى دا 12 كورپە دايىن تۇر. تاپسىرىس بەرۋشىلەر دە از ەمەس، – دەيدى.

ەكىباستۇزداعى №6 مەكتەپ-ليتسەيىنىڭ ەڭبەك مۇعالىمى تاتيانا زاليزنياك ونلاين-ساباققا قاتىسقان سوڭ قازاقتىڭ ۇلتتىق قولونەرىنە قىزىققانىن ايتادى.

– قازىر التى كورپە، ءتورت جاستىق تىكتىم. ەندى ولاردى مəسكەۋدە تۇراتىن بالالارىم سۇراپ جاتىر، – دەيدى ول.

جوبانىڭ ماقساتى – كوپبالالى انا­لاردىڭ، وقۋشىلاردىڭ، ستۋدەنتتەردىڭ، تەحنولوگيا مۇعالىمدەرىنىڭ جانە قولونەر­گە قىزىعۋشىلىق تانىتقان بارلىق ادام­نىڭ ءوز ءىسىن جۇرگىزۋگە، مۇم­كىندىكتەرىن دامىتۋعا، ۇلتتىق قولونەردى ناسيحاتتاۋعا ىق­پال ەتۋ. بۇگىندە ەتنو-ديزاينەردىڭ قو­عامعا ۇسىنعان الەۋمەتتىك جوباسى وڭ سەر­پىلىس بەرۋدە.

قازىر الەۋ­مەتتىك جەلىلەردە ويۋلى كورپە-جاستىق تىگىپ، سۋرەتكە تۇسكەن قىز-كەلىنشەكتەردىڭ جازبالارى ءجيى ۇشىراسادى.

 ال ۇيدە وسىلاي كورپە تىگىپ، قۇراق قۇرايتىن قىز-كەلىنشەكتەردى ءبىر سالاعا باعىت­تاپ، كاسىبي دەڭگەيگە جەتەلەگەن – «كورپە Fest» مەگافەستيۆالى دەۋگە بولادى.

 

پاۆلودار وبلىسى

 

سوڭعى جاڭالىقتار

الماتىدا قىلمىس ازايدى

ايماقتار • كەشە

ۇقساس جاڭالىقتار