«29 ناۋرىزداعى جاعداي بويىنشا, وقۋ جىلىنىڭ باسىنان باستاپ وقۋشىلار اراسىندا 1654 COVID-19 جاعدايى تىركەلدى, ونىڭ 515 (+16) نەمەسە 31%-ى – وففلاين رەجىمىندە وقيتىن وقۋشىلار, 1114 (+25) جاعداي نەمەسە 69%-ى – قاشىقتىقتان ءبىلىم الاتىن وقۋشىلار. دەمەك, ناۋرىز ايىندا وففلاين رەجىمىندە وقيتىن وقۋشىلار اراسىندا اۋرۋشاڭدىق 10% ارتتى», دەيدى سانيتارلىق-ەپيدەميالىق باقىلاۋ دەپارتامەنتىنىڭ باسشىسى, نۇر-سۇلتان قالاسىنىڭ باس سانيتارلىق دارىگەرى سارحات بەيسەنوۆا.
سارحات بەيسەنوۆانىڭ ايتۋىنشا, نۇر-سۇلتان قالاسىندا وقۋ جىلىنان باستاپ 92 مەكتەپ كارانتينگە جابىلدى.
«مەكتەپكە دەيىنگى مەكەمەلەرگە باراتىن بالالار اراسىندا 170 جاعداي تىركەلدى. 104 مەكتەپكە دەيىنگى مەكەمە كارانتينگە جابىلدى, ونىڭ ىشىندە 95 توپ بار. قازىرگى ۋاقىتتا 19 مەكتەپكە دەيىنگى مەكەمە, ونىڭ ىشىندە 16 توپ كارانتين رەجىمىندە قالىپ وتىر», دەيدى ول.
