شىعىس قازاقستان وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسى ماماندارى تابيعاتتى قورعاۋ ماقساتىندا جۇرگىزىلگەن رەيدتىك ءىس-شارالار كەزىندە تابيعات قورعاۋ پوليتسيا ءبولىمى ينسپەكتورلارىمەن جانە «چەرنايا ۋبا» اڭشىلىق شارۋاشىلىعى ديرەكتورىمەن بىرلەسىپ, رەزەرۆتىك قورداعى «كوروۆيحا» اڭشىلىق شارۋاشىلىعى اۋماعىنان ەكى مارالدىڭ قالدىقتارى, ەكى تەرىسى مەن باس- سيراقتارى تابىلدى.
رەيدتىك شارا كەزىندە ريددەر قالاسىنىڭ ەكى تۇرعىنىنان 35 كگ مولشەرىندە ەت, تىركەلمەگەن 16 كاليبرلى «توز» ماركالى قوس اۋىزدى, تەگىس ۇڭعىلى, شۇرىپپەلى مىلتىق جانە 16 كاليبرلى 2 وقتالعان پاترون تاركىلەندى.
اتالعان فاكت قر قىلمىستىق كودەكسىنىڭ 337 بابىنىڭ 1 ءبولىمى بويىنشا تىركەلدى. قازىرگى ۋاقىتتا سوتقا دەيىنگى تەرگەۋ جۇرگىزىلىپ جاتىر.
