ماسەلەن, مامانداندىرىلعان اۋدانارالىق اكىمشىلىك سوتىنىڭ ء(مااس) شەشىمىمەن «مونوليت ديزاين-2030» كومپانياسى ليتسەنزيادان ايىرىلدى جانە 800 اەك كولەمىندە ايىپپۇل تولەۋگە مىندەتتەلدى. بۇل كومپانيا تاستىبۇلاق ىقشاماۋدانىندا ورتالىق كوممۋنيكاتسيالار قۇرىلىسىن جۇرگىزگەن بولاتىن.
وتكەن جىلى اتالعان كومپانيا جۇمىستا جىبەرگەن كەمشىلىكتەرى ءۇشىن اكىمشىلىك شاراعا تارتىلدى. بيىلعى جىلدىڭ اقپان ايىندا تاستىبۇلاق ىقشاماۋدانىنىڭ تۇرعىندارى الماتى اكىمىنە كومپانيانىڭ جۇمىستى اياقتاعان سوڭ جولداردى رەتكە كەلتىرۋدى ساپاسىز جۇرگىزگەنى تۋرالى شاعىمدانعان ەدى.
وسى شاعىمنىڭ نەگىزىندە قايتا تەكسەرۋ جۇرگىزىلدى, ونىڭ قورىتىندىسى بويىنشا بىرقاتار كەمشىلىكتەر انىقتالدى, ماتەريالدار كومپانيانى ليتسەنزيادان ايىرۋ ءۇشىن اكىمشىلىك سوتقا جىبەرىلدى.
بۇرىندارى, الاتاۋ اۋدانىندا ينجەنەرلىك جەلىلەردى سالۋدا بىرقاتار زاڭبۇزۋشىلىقتارعا جول بەرگەن «سيگما» كومپانياسى دا سوت شەشىمىمەن ليتسەنزياسىنان ايىرىلعان ەدى.
سونىمەن قاتار, پروبلەمالىق نىسانداردى جۇرگىزگەن بىرقاتار كومپانيالاردىڭ جۇمىستارى دا قايتا تەكسەرىلەتىن بولادى, ولاردىڭ اراسىندا تولە بي كوشەسىندەى ينجەنەرلىك جەلىلەردى رەكونسترۋكتسيالاعان «اگس-پلاست» جشس مەن «سۇڭقار» جشس بار.
ەسكە سالساق, جاقىندا تولە بي-مۇراتباەۆ كوشەلەرىنىڭ قيىلىسىندا «AGS-PLAST» جشس-ءنىڭ ينجەنەرلىك جۇمىستاردى ساپاسىز جۇرگىزگەندىگى سالدارىنان جول قاق ايرىلعان ەدى.
قازىر بۇكىل قالا بويىنشا قۇرىلىس جۇمىستارىن جۇرگىزۋ بارىسىندا ستاندارتتاردىڭ ساقتالۋىنا باقىلاۋ كۇشەيتىلدى. باسقارما كاسىبي كومپانيالاردى جۇمىستى ورىنداۋ كەزىندە بارلىق نورمالار مەن تالاپتاردى ساقتاۋعا شاقىرادى. تەكسەرۋلەر قورىتىندىلارى بويىنشا بارلىق ءتيىستى شارالار قولدانىلادى, ءتىپتى ليتسەنزيالارىنان ايىرۋعا دەيىن.
