«قارقىندى دامىپ كەلە جاتقان قالادا الەۋمەتتىك نىسانداردى بەلسەندى تۇردە سالۋ قاجەت. ونىڭ ىشىندە وقۋ ورىندارى دا بار. ەلوردامىزدىڭ بارلىق اۋداندارىندا مەكتەپ سالۋ بويىنشا ناقتى جۇمىستار جۇرگىزىپ جاتىرمىز.
بىرقاتار وقۋ ورىندارىنىڭ قۇرىلىس بارىسىمەن تانىستىم. مىسالى, جاڭا ۆوكزال سالىنىپ جاتقان اۋدانعا (الماتى اۋدانى) مەكتەپ قاجەت بولاتىن – وندا ءمجا شەڭبەرىندە ۇلكەن ورتا ءبىلىم بەرۋ عيماراتىن سالىپ جاتىرمىز. ەكى اۋىسىمدا 4 مىڭعا جۋىق وقۋشى وقيدى. سونداي-اق, ەسىل اۋدانىندا (بۇحار جىراۋ كوشەسى جانە №38, Nova City اۋدانى) مەكتەپ قۇرىلىسىنىڭ بارىسىمەن تانىستىم. وندادا ەكى اۋىسىمدا 4 مىڭ وقۋشى وقيدى.
مەكتەپتەردى قالانىڭ باسقا اۋداندارىندا دا سالىپ جاتىرمىز. بيىل 16 مەكتەپ سالۋدى جوسپارلاپ وتىرمىز. بۇل تەك وسى جىلدىڭ وزىندە 40 مىڭنان استام وقۋشىلاردى وقۋمەن قامتۋعا مۇمكىندىك بەرەدى. وتكەن جىلمەن سالىستىرعاندا وقۋشى ورىندارىنىڭ سانى 2 ەسە, ال 2019 جىلمەن سالىستىرعاندا 4 ەسە ارتتى.
مەكتەپتەر قاجەتتىلىك بار, حالىق تىعىز ورنالاسقان اۋدانداردا سالىنادى. بۇل ءۇش اۋىسىمدى وقىتۋ, تىعىزدالعان رەجيمى بار مەكتەپتەر سانىن ايتارلىقتاي قىسقارتۋعا مۇمكىندىك بەرەدى. مەكتەپ قۇرىلىسىنا دا جەكە ينۆەستيتسيا تارتامىز. ينۆەستيتسيالىق كەڭەستەردە 30-دان استام جەكە مەنشىك مەكتەپ قۇرىلىسى قولداندى.
قۇرىلىس ساپاسى, اباتتاندىرۋ, مەكتەپتەرگە كىرمە جولداردى قامتاماسىز ەتۋمەن قاتار, مەكتەپتەردىڭ ماتەريالدىق-تەحنيكالىق جابدىقتالۋىنا, بىلىكتى كادرلار دايارلاۋعا ەرەكشە نازار اۋدارۋدى تاپسىردىم. ءبىزدىڭ تاراپىمىزدان جاسالاتىن جاعدايلار بالالارعا ساپالى ءبىلىم بەرۋگە كومەكتەسەدى», دەپ جازدى ەلوردا اكىمى.
