مونيتورينگتىك توپ 75 جاسقا تولۋ مەرەيتويىن وتكىزۋدى توقتاتتى. اكىمدىك تاۋەكەل توبىنداعى قالا تۇرعىندارىن قوعامدىق ورىندارعا بارماۋعا ۇندەدى.
سانيتارلىق-ەپيدەميولوگيالىق احۋالدىڭ ساقتالۋىن باقىلاۋ اياسىندا الماتىدا 40 مونيتورينگتىك توپتاردىڭ كۇشەيتىلگەن رەجيمدە جۇمىس جاساۋدى ودان ءارى جالعاستىرۋدا.
2021 جىلعى 1 قاڭتار مەن 27 ناۋرىز ارالىعىندا 1328 نىسانعا تەكسەرۋ جۇرگىزىلدى, 11379 نىسان قامتىلدى, 1352 نىسانىڭ كارانتين شارالارىن بۇزعانى انىقتالدى. اتالعان كەزەڭدە بارلىعى 153 ملن تەڭگەدەن استام سوماعا 2119 حاتتاما تولتىرىلدى.
وتكەن اپتادا 22-27 ناۋرىز ارالىعىندا 102 تەكسەرۋ جۇرگىزىلىپ, 1286 نىسان قامتىلدى, كارانتيندىك شارالاردى 263 نىساننىڭ بۇزعانى انىقتالدى. زاڭدى جانە جەكە تۇلعالارعا 932 حاتتاما تولتىرىلىپ, جالپى سوماسى 47 ملن تەڭگەدەن اساتىن ايىپپۇل سالىندى.
قالا تۇرعىندارىنىڭ اۋرۋدى جۇقتىرۋ دەڭگەيىنىڭ تۇراقتى ءارى جوعارى ەكەنىنە قاراماستان, وزدەرىنە جانە باسقالارعا جۇقتىرۋ قاۋپىن تۋدىراتىن, ادامداردىڭ كوپ جينالاتىن ءىس-شارالاردى ۇيىمداستىرۋ جالعاسۋدا. مىسالى, بوستاندىق اۋدانىنىڭ مونيتورينگتىك توبى تيميريازەۆ كوشەسى, 42 ك مەكەن-جايىندا ورنالاسقان «باحىت» سالتانات زالىندا كارانتيندى بۇزۋ فاكتىسى انىقتالدى. تەكسەرۋ بارىسىندا 90 ادامنىڭ قاتىسقان ۇيلەنۋ تويى ءوتىپ جاتقان. سونىمەن بىرگە, حان-ءتاڭىرى ىقشاماۋدانى, 148/2 مەكەن-جايى بويىنشا ورنالاسقان «Batyr» مەيرامحاناسىندا 50-60 ادامنىڭ قاتىسۋىمەن وتباسىلىق-شارا – 75 جاسقا تولۋ مەرەيتويىنىڭ ءوتىپ جاتقانى انىقتالدى. اۋەزوۆ اۋدانىنىڭ مونيتورينگتىك توبى اقساي 4 ىقشاماۋدانى, 112 مەكەن-جايىنداعى «پاراسات» مەيرامحاناسىندا 50 ادامعا ارنالعان ۇيلەنۋ تويىن توقتاتتى. بارلىق ءىس-شارالار توقتاتىلىپ, اتالعان سالتاناتتى جيىنداردى ۇيىمداستىرۋشى مەن اكىمشىلىككە 425-باپتىڭ 1-ءبولىمى بويىنشا اكىمشىلىك حاتتامالار تولتىرىلدى, بوستاندىق اۋدانى پب جەرگىلىكتى پوليتسيا قىزمەتىنىڭ قىزمەتكەرى كارانتين رەجيمىن بۇزۋ تۋرالى زاڭدى تۇلعاعا راپورت تولتىردى.
جىل باسىنان بەرى سوت 28 ماتەريال بويىنشا 462-باپتىڭ 3-بولىگىنە جانە 425-باپتىڭ 1-بولىگىنە سايكەس جاۋاپكەرشىلىككە تارتۋ تۋرالى شەشىم قابىلدادى:
• مەدەۋ اۋدانى - 8 ماتەريال: «مانانا» مەيرامحاناسى (قىزمەتىن 15 كۇنگە توقتاتۋ), «پۋگاسوۆ» مەيرامحاناسى (100 اەك مولشەرىندە ايىپپۇل سالىنىپ, قىزمەتى 1 ايعا توقتاتىلدى), «بارماگلوت» بارى (100 اەك مولشەرىندە ايىپپۇل سالىنىپ, قىزمەتى 1 ايعا توقتاتىلدى), «Hookan Dreems» كافەبارى (100 اەك مولشەرىندە ايىپپۇل سالىنىپ, قىزمەتى 1 ايعا توقتاتىلدى), «ايلينا» مەيرامحاناسى, «نەبو» بارى, «Rush7gill pub» بيليارد كلۋبى (تىيىم سالۋ توقتاعانعا دەيىن قىزمەتىن توقتاتۋ تۋرالى سوت شەشىمى), ۆيكتوريا بينگو كلۋبى (نىساننىڭ قىزمەتى قىزمەتكە سالىنعان تىيىم كۇشىن جويعانعا دەيىن توقتاتىلدى), «Ordagamecenter» جشس كومپيۋتەرلىك كلۋبى (قىزمەتىن 1 ايعا توقتاتۋ), «Loto» كلۋبى (تىيىم سالۋ توقتاعانعا دەيىن قىزمەتىن توقتاتۋ تۋرالى سوت شەشىمى)
• جەتىسۋ اۋدانى - 4 ماتەريال: جەكە تۇلعا نيازوۆا ج.ا. كومپيۋتەرنىي كلۋبى (قىزمەتى 3 ايعا توقتاتىلىپ, 5 اەك مولشەرىندى ايىپپۇل سالىندى), «Gameclub» ويىن كلۋبى (قىزمەتى 1 ايعا توقتاتىلدى), جەكە تۇلعا قۋاندىكوۆا ج.س. ويىن الاڭى (تۇركىستان وبلىسىنىڭ سارىاعاش اۋداندىق سوتىنا جولداندى), «گرينككم» جشس لوتو كلۋبى (قىزمەتى 1 ايعا توقتاتىلدى);
• ناۋرىزباي اۋدانى - 2 ماتەريال: «پرەمەرا» ءدامحاناسى (قىزمەتى 1 ايعا توقتاتىلىپ, 100 اەك كولەمىندە ايىپپۇل سالىندى), «تاۋجولى» ءدامحاناسى (قىزمەتى 1 ايعا توقتاتىلىپ, 100 اەك كولەمىندە ايىپپۇل سالىندى);
• تۇركسىب اۋدانى - 2 ماتەريال: «Erbil» مەيرامحانا-قوناق ءۇي كەشەنى (قىزمەتى 1 ايعا توقتاتىلىپ, 70 اەك كولەمىندە ايىپپۇل سالىندى), «Talavi» مەيرامحاناسى (100 اەك مولشەرىندە ايىپپۇل سالىندى);
• الاتاۋ اۋدانى - 5 ماتەريال: «جاقسىلىق» ءدامحاناسى (100 اەك مولشەرىندە ايىپپۇل سالىنىپ, قىزمەتى 10 كۇنگە توقتاتىلدى), «تسەنتر شاشلىكا» ءدامحاناسى (161 اەك كولەمىندە ايىپپۇل سالىندى), «شامو» جشس بيليارد كلۋبى (نىساننىڭ قىزمەتى كارانتين رەجيمى اياقتالعانعا دەيىن توقتاتىلدى), «ەگويست» كومپيۋتەرلىك كلۋبى (نىساننىڭ قىزمەتى كارانتين رەجيمى اياقتالعانعا دەيىن توقتاتىلدى), «الاتاۋ» سوو (200 اەك كولەمىندە ايىپپۇل سالىندى);
• المالى اۋدانى - 4 ماتەريال: «Finik» مەيرامحاناسى(قىزمەتى 1 ايعا توقتاتىلىپ, 100 اەك كولەمىندە ايىپپۇل سالىندى), «Fizika» تۇنگى كلۋبى (قىزمەتى 3 ايعا توقتاتىلىپ, 100 اەك كولەمىندە ايىپپۇل سالىندى), «Boohouse» ءدامحاناسى (قىزمەتى 1 ايعا توقتاتىلىپ, 100 اەك كولەمىندە ايىپپۇل سالىندى), «پيرات» ءدامحاناسى (قىزمەتى 1 ايعا توقتاتىلىپ, 100 اەك كولەمىندە ايىپپۇل سالىندى);
• بوستاندىق اۋدانى - 3 ماتەريال: «Sunset» مەيرامحاناسى (200 اەك مولشەرىندە ايىپپۇل سالىندى), «شمەل» تاۆەرناسى (ماتەريالدى قاراۋدى توقتاتۋ), «Queer» تۇنگى كلۋبى «Alfa International Construction and Trade Company» جشس جالعا بەرۋشى (قىزمەتى 1 ايعا توقتاتىلىپ, 100 اەك كولەمىندە ايىپپۇل سالىندى).
مونيتورينگتىك توپتاردىڭ جۇمىس الگوريتمى قر «اتامەكەن» ۇكپ مەن بيزنەس-ومبۋدسمەن كەڭسەسىنىڭ باستاماسى بويىنشا ۆاك حاتتاماسىمەن بەكىتىلگەنىن اتاپ وتكەن ءجون. ەرەجە كاسىپكەرلىك نىساندارىن مونيتورينگتىك توپتار تاراپىنان بۇزۋشىلىقتارعا قاتىستى تەكسەرۋ ءۇشىن 5 تالاپ بويىنشا قاراستىرادى:
• جۇمىس رەجيمى;
• وتباسىلىق, ەسكە الۋ ءىس-شارالارىن (بانكەتتەر, ۇيلەنۋ تويلارى, مەرەيتويلار, ەسكە الۋ) جانە ادامدار كوپ جينالاتىن وزگە دە ءىس-شارالاردى وتكىزۋدى شەكتەۋگە قويىلاتىن تالاپتار;
• الەۋمەتتىك قاشىقتىق;
• بەتپەردە رەجيمى;
• كەلۋشىلەر سانىنىڭ ليميتىنەن اسىرۋ.
ەگەر مونيتورينگتىك توپ بەس بۇزۋشىلىقتىڭ بىرەۋىن انىقتاسا, ماتەريالداردى اكىمشىلىك ءىس قوزعاۋ ءۇشىن سانيتارلىق-ەپيدەميولوگيالىق باقىلاۋ دەپارتامەنتىنە تاپسىرادى. بارلىق اۋدانداردا مونيتورينگتىك توپتارمەن بىرگە قوعامدىق ۇيىمدار, قازاقستان پارتيالارىنىڭ مۇشەلەرى, ەرىكتىلەر جانە ت.ب.شىعادى. ەگەر ادامدار ورىن العان بۇزۋشىلىقتاردىڭ كۋاسى بولسا, اقپاراتتى 1308 ءنومىرى بويىنشا جولداۋعا بولادى.
ا.ج. 10 ناۋرىزىنان بەرى الماتى قالاسى ەپيدەميولوگيالىق جاعداي بويىنشا «قىزىل» ايماقتا ەكەنىن ەستەرىڭىزگە سالامىز. اعىمداعى جىلعى 28 ناۋرىزدا كۆي جۇقتىرۋدىڭ 415 جاعدايى تىركەلدى.
الماتى اكىمدىگى COVID-19 الدىن الۋ شارالارىن, اسىرەسە, قالادا جاڭا مۋتاتسيالانعان بريتاندىق جانە وڭتۇستىك افريكالىق شتاممداردىڭ اينالىمى اياسىندا كۇشەيتۋگە شاقىرادى, ولار جۇقتىرۋدىڭ جوعارى كورسەتكىشىنە يە. تاۋەكەل توبىنداعى ادامدارعا – 65 جاستان اسقان قارتتار مەن سوزىلمالى اۋرۋلارى بار جاندارعا مۇمكىندىگىنشە ۇيلەرىنەن شىقپاي, الەۋمەتتىك بايلانىستى ازايتۋ ۇسىنىلادى.
