پولشا تەلەارناسىنا بەرگەن سۇحباتىندا بەلگىلى كاسىپكەر الەم ەلدەرىندە ەنگىزىلگەن شەكتەۋلەر COVID-19-دان تولىق ارىلماي جالعاسا بەرەدى دەگەن پىكىر ايتتى.
«2021 جىلدىڭ سوڭىنا دەيىن ۆاكتسينالاۋ قارقىندى جۇرەدى دەپ ويلايمىن. سول كەزدە اۋرۋ جۇقتىرۋ دەڭگەيى دە تومەندەي باستايدى. بىراق ءبىز بەلەڭ العان ينفەكتسيانىڭ كوزىن تولىعىمەن جويماي, شەكتەۋ شارالارى جالعاسا بەرەدى», دەدى ول.
بيلل گەيتستىڭ بولجامى بويىنشا, ادامدار قالىپتى ومىرگە 2022 جىلدىڭ سوڭىندا كەلۋى مۇمكىن.
سونىمەن قاتار ول ء«وزىنىڭ وسى پاندەمياعا قاتىسى بار» دەگەن قاۋەسەتكە بايلانىستى ويىن ايتتى. كاسىپكەر «كوروناۆيرۋس قولدان جاسالعان, ادامداردىڭ ءومىرىن قيۋ – ساياسي ستراتەگيا» دەگەن بولجاممەن كەلىسپەيتىنىن ايتتى.
«مۇنداي پىكىردى ەستۋ كۇلكىلى ءارى وتە وكىنىشتى. بىرەۋلەر كوروناۆيرۋس قولدان جاسالعان دەپ بەتپەردە تاعۋدان, ەندى بىرەۋلەرى ەكپەدەن باس تارتىپ جاتىر. انىعىندا, بۇل ادامداردىڭ ءبىلىمىنىڭ تايازدىعى. ويتكەنى ۆيرۋستى دەنساۋلىق ساقتاۋ ورگاندارى, زەرتحانالار زەرتتەپ بارىپ, قورعانۋ شارالارى ۇسىنىلدى. ال ونى جوققا شىعارۋ قيسىنسىز», دەدى ميللياردەر.
جالپى, بىلتىر پاندەميا جاريالانعان ۋاقىتتا بۇل ۆيرۋستىڭ قولدان جاسالعانى تۋرالى اقپارات تارادى. ءتىپتى بىرقاتار اقپارات اگەنتتىگى بۇل ويدى دۇرىس ساناپ, كوپپەن ءبولىستى. ال «قولدان جاساۋشىلار» قاتارىندا ساياساتكەرلەرمەن بىرگە بيلل گەيتستىڭ ەسىمى دە اتالدى. دەگەنمەن, كاسىپكەر بۇل پىكىردىڭ ويعا قونىمسىز ەكەنىن ايتىپ, اقتالدى.
