ب. ساعىنتاەۆتىڭ ايتۋىنشا, ىندەت ءورشىپ بارادى. 10 ناۋرىزدان باستاپ الماتى قىزىل ايماقتا. ەپيدەميا باستالعالى بەرى كوروناۆيرۋس ينفەكتسياسىن جۇقتىرعان 32 597 ناۋقاس تىركەلدى (حالىقتىڭ 100 مىڭىنا شاققانداعى كورسەتكىش 1602,0 قۇرايدى). 1 قاڭتار مەن 27 ناۋرىز ارالىعىندا 14 856, 2020 جىلى قاۋىپتى ىندەتتى جۇقتىرعان 18521 ناۋقاس تىركەلگەن.
27 ناۋرىزدا ءبىر كۇننىڭ ىشىندە كوروناۆيرۋس ينفەكتسياسىن جۇقتىرعان 510 ناۋقاس تىركەلدى (جەرگىلىكتى), سونىڭ ىشىندە 415 ناۋقاس سيمپتومدى, ال 95-ءى سيمپتومسىز. 1 تامىزدان بەرى پنەۆمونيامەن اۋىرعاندار سانى - 1666.
20-27 ناۋرىز ارالىعىندا قاۋىپتى ىندەتتى جۇقتىرعان 3169 ناۋقاس تىركەلدى. تۇرعىندار اراسىنداعى جۇقتىرۋ دەڭگەيى تومەندەمەي تۇر. جاعدايدى الماتىلىقتاردا انىقتالعان ۆيرۋستىڭ جاڭا شتامدارى دا قيىنداتۋدا.
بيىلعى جىلدىڭ ناۋرىز ايىندا سىرقاتتانۋشىلىقتىڭ تاۋلىگىنە 132 جاعدايدان كۇرت ءوسۋى بايقالدى, ناۋرىز ايىنىڭ ءۇشىنشى اپتاسىندا تاۋلىگىنە ورتاشا ەسەپپەن 355 جاعدايعا جەتتى, قازىرگى ۋاقىتتا تاۋلىگىنە 450-500 جاعداي انىقتالىپ جاتىر
بۇل, ءبىر مەزگىلدە تاۋلىگىنە 8000-عا دەيىن جۇرگىزىلىپ جاتقان پتر اناليزدەرىنىڭ قورىتىندىسىنا دا قاتىستى., ونىڭ ىشىندە جەكە زەرتحانالارعا 4500-گە دەيىن ءوستى.
ينفەكتسيانىڭ نەگىزگى ورىندارى كۆي ينفەكتسياسىنىڭ بارلىق جاعدايلارىنىڭ شامامەن 42% بولاتىن ساۋدا جانە تاماقتاندىرۋ كاسىپورىندارى بولىپ قالاتىندىقتان, ءتيىستى شارالار قابىلداندى. وسىعان بايلانىستى كارانتيندىك شارا ەكى رەت كۇشەيتىلدى. ول 20-29 ناۋرىز ارالىعىندا.
«بارشا تۇرعىنداردى كارانتين شارالارىن قاتاڭ ساقتاۋعا, بەتپەردە كيۋگە, الەۋمەتتىك اراقاشىقتىقتى ساقتاۋعا جانە كوپشىلىك شارالار وتكىزۋدەن, ادام كوپ شوعىرلانعان جەرگە بارۋدان اۋلاق بولۋعا شاقىرامىن», دەدى ب. ساعىنتاەۆ.
