FIFA جاريالاعان سوڭعى رەيتينگتە فرانتسيا ەكىنشى ورىندا تۇر. ال قازاقستان وندا 122-ورىندا كەلەدى.
بۇگىنگى ويىندا سوڭعى الەم چەمپيونى - فرانتسيا ەمىن-ەركىن قيمىل كورسەتتى. العاشقى مينۋتتان شابۋىل شەبىنە كوبىرەك كوڭىل ءبولدى. الاڭ يەلەرى قاقپاسى ماڭىندا ءجيى بوي كورسەتتى. وسىلايشا تىزگىندى قولعا الۋعا تىرىستى. قازاقستاندىقتار نەگىزىنەن قورعانىسقا كوڭىل ءبولىپ, قارسىلاستار شابۋىلىنا توتەپ بەردى. دەگەنمەن 19-مينۋتتا فرانتسۋزدىق شابۋىلشى ۋسمان دەمبەلە قازاقستاندىق قۇراما قاقپاسىنان ساڭىلاۋ تاپتى. ال 44-مينۋتتا قازاقستاندىق قورعاۋشى سەرگەي مالىي ءوز قاقپاسىنا گول سوعىپ الدى.
ەكىنشى كەزەڭدە فرانتسۋزدار شابۋىلعا كوبىرەك كوڭىل ءبولدى. دەسە دە دىتتەگەن ماقساتىنا جەتە العان جوق, ءتىپتى, اتاقتى فۋتبولشى كيليان مباپپە الاڭ يەلەرى قاقپاسىنا بەلگىلەنگەن پەنالتيدەن ءمۇلت كەتتى. ونىڭ تەپكەن سوققىسىن قازاقستاندىق قاقپاشى الەكساندر موكين سىرتقا شىعارىپ ۇلگەردى.
كەزدەسۋدە فرانتسيا قۇراماسى 2:0 ەسەبىمەن جەڭىسكە جەتتى. وسىلايشا ءتورت ۇپايمەن تۋرنير كەستەسىندە كوش باسىنا شىقتى.
ايتا كەتەيىك, قازاقستان قۇراماسى 31 ناۋرىزدا سىرت الاڭدا ۋكراينامەن شەبەرلىك بايقاسادى. سول كۇنى سىرت الاڭدا فرانتسيا بوسنيا جانە گەرتسوگوۆينامەن جاسىل الاڭعا شىعادى.
