جۇرگىزۋشىلەردىڭ سۇراقتارىنا جاۋاپ بەرە وتىرىپ قالا اكىمى ءىرى قالالاردا ۆيرۋستىڭ ءۇشىنشى تولقىنى باستالعانىن ايتىپ, الماتى دا قيىن كەزەڭدى باستان وتكەرىپ جاتقانىن جەتكىزدى.
سوڭعى ايدا بايقالعان اۋرۋدىڭ جوعارى دەڭگەيى مۋتاتسيالانعان شتامتاردىڭ اينالىمىمەن بايلانىستى بولۋى مۇمكىن. ويتكەنى, زەرتتەۋ بارىسىندا بريتاندىق جانە وڭتۇستىك افريكالىق كوروناۆيرۋس شتامتارىنا ءتان مۋتاتسيالار انىقتالعان.
جاڭا شتامتاردىڭ كونتاگيوزى جوعارى. الدىڭعى بازالىق شتامپەن سالىستىرعاندا جاڭا شتامتاردىڭ جۇقتىرۋ كورسەتكىشى 70 پايىزعا دەيىن جەتەدى. بۇل ينفەكتسيا جۇقپالىلىعىنىڭ جوعارىلىعىن كورسەتەدى. مەگاپوليستە سوڭعى ۋاقىتتا تىركەلگەن ۆيرۋستىڭ تارالۋ جىلدامدىعىنا ءدال سول سەبەپ بولىپ وتىر.
ۆيرۋستىڭ مۋتاتسيالانعان شتامنىڭ بار ەكەنىنە تاعى ءبىر دالەل, كۆي-ءدىڭ سيمپتومسىز ءتۇرىنىڭ تىركەلۋى وتكەن جىلى 39 پايىز بولسا, 2021 جىلى 32 پايىزعا دەيىن ازايعان, 14 جاسقا دەيىنگى بالالار اراسىندا كۆي 335-تەن 670 جاعدايعا دەيىن, ياعني 2 ەسە كۇرت ارتقان.
وسى رەتتە ب.ساعىنتاەۆ تاعى دا قالا تۇرعىندارىن بەتپەردە رەجيمىن ساقتاۋعا, كوپشىلىك جينالاتىن جەرلەردەن اۋلاق بولۋعا, جاقىندارىنا جاناشىر بولۋعا شاقىردى.
