ينفەكتسيالىق ستاتسيونارلاردا, مودۋلدەردە, كلينيكالاردىڭ ينفەكتسيالىق بولىمشەلەرىندە, «حالىق ارەناداعى» كونسەرۆاتسيادا جالپى قۋاتتىلىعى 7011 توسەك-ورىن جانە 250 رەانيماتسيالىق توسەك-ورىن ورناتىلعان. بۇگىنگى تاڭدا جۇمىلدىرىلعان ينفەكتسيالىق ستاتسيونارلاردا 5000 توسەك-ورىن بار. اۋرۋحانالارعا 2746 ادام جاتقىزىلعان, ونىڭ ىشىندە 133 بالا. 35 ەمدەلۋشىنىڭ جاعدايى وتە اۋىر. 257-ءسى اۋىر, 2454-ءى ورتاشا اۋىر جاعدايدا.
قوسىمشا توسەك-ورىندار قويىلىپ, دارىگەرلىك قۇرام مەن مەدقىزمەتكەرلەر جۇمىسپەن قامتاماسىز ەتىلەدى. COVID-19 ىندەتىنىڭ جاڭا تولقىنىنا دايىندىق اياسىندا 2758 ادامنان تۇراتىن كادرلار رەزەرۆى قۇرىلدى. مەديتسينالىق جوعارى وقۋ ورىندارىنىڭ ينتەرندەرى, رەزيدەنتتەرى, ماگيسترانتتارى, مەديتسينالىق كوللەدجدەردىڭ تۇلەكتەرى, پروفەسسور-وقىتۋشىلار قۇرامى تارتىلدى.
ءۇي مەديتسينالىق باقىلاۋىندا 3057 ادام ەم الىپ جاتىر. ونىڭ ىشىندە 935-ءى سيمپتومسىز, 2122 پاتسيەنت جاعدايى جەڭىل دارەدەلى. بۇل اۋرۋحاناعا جاتقىزۋعا بەلگىلەرى جوق پاتسيەنتتەر ءموبيلدى بريگادالار مەن تەلەمەديتسينا ورتالىعىنىڭ باقىلاۋىندا.
مساك دەڭگەيىندە بارلىعى 74 مەديتسينالىق ۇيىم جۇمىس ىستەيدى. قالانىڭ 39 مەملەكەتتىك ەمحانالارىنا اۋديت جۇرگىزىلىپ, پاتسيەنتتەرمەن جۇمىس ىستەۋدىڭ جاڭا الگوريتمدەرى ەنگىزىلدى. كوۆيدتىك پاتسيەنتتەردى امبۋلاتوريالىق دەڭگەيدە باقىلاۋ ءۇشىن ءموبيلدى بريگادالاردىڭ سانى 5 ەسەگە ارتتى, جولعا شىعۋعا 925 مەديتسينا قىزمەتكەرى جۇمىلدىرىلدى.
«جالپى, قالانىڭ دەنساۋلىق ساقتاۋ جۇيەسى بارىنشا دايىن. الايدا, COVID-19-مەن كۇرەسۋدىڭ باستى جەتىستىگى قالا تۇرعىندارىنىڭ سانيتارلىق دارىگەرلەر مەن مامانداردىڭ نۇسقاۋلارىن قانشالىقتى ءتارتىپتى ۇستاناتىندىعىنا بايلانىستى. ءبىز قالىپتى ومىرگە قاشان ورالا الاتىنىمىز تەك ءوزىمىزدىڭ قولىمىزدا», دەپ اتاپ ءوتتى ب.ساعىنتاەۆ.
