قالا تۇرعىندارىنىڭ سۇراقتارىنا جاۋاپ بەرە وتىرىپ, قالا اكىمى ۆاكتسيناتسيا پۋنكتتەرى تەك ەمحانالاردا عانا ەمەس, ءىرى ساۋدا ورتالىقتارىندا دا اشىلاتىنىن ايتتى. ءموبيلدى پۋنكتەردىڭ جۇمىسى دا ۇيىمداستىرىلادى.
ب. ساعىنتاەۆ قالا تۇرعىندارىن ۇجىمدىق يممۋنيتەتتىڭ قالىپتاسۋىنا جانە بۇرىنعى قالىپتى ومىرگە ورالۋعا مۇمكىندىك بەرەتىن ۆاكتسيناتسيانى قولداۋعا شاقىردى.
ء«وزىڭىزدى كۆي-دەن قورعاۋدىڭ جالعىز سەنىمدى ءتاسىلى – ۆاكتسيناتسيا. ءساۋىر ايىندا ۆاكتسينا دوزالارىنىڭ جاڭا جەتكىزىلۋىن كۇتەمىز. قالا تۇرعىندارىنىڭ سانىن ەسكەرە وتىرىپ, 65 مىڭ دوزا ۆاكتسينانىڭ بەلگىلى ءبىر ءليميتى كوبەيتىلەدى» دەگەن ب. ساعىنتاەۆ حالىقتى جاپپاي ۆاكتسيناتسيالاۋ ءساۋىردىڭ ەكىنشى جارتىسىنا جوسپارلانعانىن ايتتى.
ۆاكتسيناتسيا قر دەنساۋلىق ساقتاۋ مينيسترلىگى بەكىتكەن الگوريتم بويىنشا جۇزەگە اسىرىلادى. ءۇش كەزەڭ انىقتالدى, وعان سايكەس ءبىرىنشى كەزەكتە دارىگەرلەر, قۇقىق قورعاۋ ورگاندارىنىڭ قىزمەتكەرلەرى, ءبىلىم بەرۋ جانە قاۋىپتى توپتارعا جاتاتىن ازاماتتار - سوزىلمالى اۋرۋلارمەن ەسەپتە تۇرعان ادامدارعا ۆاكتسينا سالىنادى.
